![](https://blogger.googleusercontent.com/img/b/R29vZ2xl/AVvXsEitSExBwluxZuZ4GcaSU_6EU6hgy2R8vs7tbOnnBkcvtbTrfOlixFBS_D9Df02QsZVy8rWDLFbcrm66-9HoM4UvTUNtgg5d8lqWhPX8T2odQ33SnPur5XQFnWzGOsze2HQXVBC3/s400/Copia+de+VELAZQUEZ,+O+anano+Sebasti%C3%A1n+de+Mora.jpg)
Pan por Pan 22 xullo
O símbolo da revista “El Jueves” é un bufón e os bufóns están para cabrear, para molestar, para darlle a volta á realidade, en suma, para dicirlle ós poderosos que eles tamén son homes e non deuses. Por iso non se entende que a autoridade xudicial a emprenda contra un bufón gráfico como é a revista “El Jueves”, de consolidada traxectoria. Que se explique ben qué o que resulta inxurioso: o debuxo irreverente ou un texto impertinente? Pero as impertinencias son necesarias contra o poder: sexa este o Rei, o Papa de Roma ou Mahoma. E ós poderes non lles gusta a impertinencia: aquí, en plena democracia, secuestran unha revista; noutros lugares, cortaríanlle a man ou a cabeza ó debuxante. Para colmo do disparate, din que El-Rei Juan Carlos le esta revista cando vai de vacacións. Onte o monarca estreaba un veleiro patrocinado por un banco: pódese dicir isto, ou non?