![](https://blogger.googleusercontent.com/img/b/R29vZ2xl/AVvXsEia4OMG-PPqM3U95HQEc2Cn9QLnB9xtUBvkR6FvzZMY8uVZrR1QGGMxqvTMQy0TpnRPu0iQA4dW2Mzt790YaKrXcx_eXb4fg4MIc8pbZiOZtXI0CZ4LoNup2-jNmtVA4EOD-1thQw/s400/gallego+y+rey,+el+mundo+25,7,07.gif)
Xenofobia.
Pan por Pan xoves 25 outubro (A imaxe, tan xusta, de Gallego y Rey, en El Mundo 25-X-07)
O mala besta que de forma tan salvaxe atacou a unha menor ecuatoriana en Barcelona está en liberdade con cargos: incomprensible. Disque houbo un fallo do sistema porque o fiscal non foi á declaración. Menos mal que había cámaras gravando, porque se non o mozo racista quedaría totalmente libre de responsabilidades. Se o agresor fose un ecuatoriano, é probable que as cousas fosen diferentes.
Agora, o mala besta di que estaba bébedo e que non é racista: algún avogado xa o aconsellou ben, se a agresión é por motivos racistas a pena pode ser maior. Este suceso non é unha anécdota illada. Hai múltiples agresións xenófobas en grandes cidades como Madrid, Barcelona, Valencia ou Zaragoza.
Entre once mil e quince mil mozos están integrados en bandas de ultradereita en España, agresivos potencialmente. Non se pode mirar cara outro lado.