29 oct. 2006

Graciñas
PAN POR PAN domingo 29 outubro
Sentín hoxe a necesidade de dar as grazas. A vostedes, en primeiro lugar, ós lectores e lectoras que me seguen a diario e me fan cómplice dos seus comentarios e suxestións sobre estes breves artigos. En segundo lugar, ós responsables de LA REGIÓN que lles dá acubillo, primeiro na páxina cultural, agora nesta. O próximo mércores cumpro os 5 primeiros anos do Pan por Pan: empezaron o 1 de novembro do 2001, mes e medio despois do 11-S. Dende aquela van unha xeira de case 300 artigos ó ano e un total superior ós 1430.
Cando iniciei esta aventura, pensei máis dunha vez na dificultade de pensar cada día un tema diferente sobre o que opinar: ese medo pasou moi cedo; en moitas ocasións, cando escribo sobre un tema quedan outros tres ou catro na mente que tamén valerían para comentar. Iso xustifica esta miña constancia: a vida, o mundo, son misterios sempre infindos...!
(Imaxe de Renoir)

6 comentarios:

Moralla dijo...

Grazas a ti polos teus posts e as túas imaxes! esta pintura de Renoir é moi sensual e invita ao sono e ao soño! UNha aperta

Roi Queimado dijo...

Podoche dicir cos teus artigos e O Carrabouxo son algo que endexamais paso por alto nas mañas ourensás. Felicidades por anticipado!

marcos valcarcel dijo...

Grazas, Moralla e Roi Queimado, polos vosos parabéns. Vós tamén enriquecedes este espazo cada día coas vosas achegas. Saúdos.

Leituga 1 dijo...

Cinco anos cunha columna diaria de moi bo nivel... Non é nada fácil. Pode estar vostede verdadeiramente satisfeito. Eu felicítoo e anímoo a que siga, polo menos, outros cinco anos máis.

marcos valcarcel dijo...

Grazas tamén para Leituga 1 e grazas polas súas visitas, sempre acompañadas de reflexións de interese.

anónimo político-cultural dijo...

Parabéns, señor Valcárcel. E que cumpra moitos máis.