Primeira impresión
Aínda non tiven tempo de ler de vagar os xornais. As eleccións catalanas semella que non depararon grandes novidades, agás nesa irrupción sorpresiva de Ciudadanos por Cataluña con 3 escanos e 90.000 votos, cun discurso radicalmente antinacionalista (catalán). Tampouco é un fenómeno totalmente novo (lembremos o lerrouxismo de comezos do século XX), pero... Pensemos qué sucedería en Galicia se alguén lanzase unha iniciativa semellante: contaría, sen dúbida, con moitos sectores de esquerda moderada e discurso antigaleguista (Paco Vázquez, Pérez Mariño, etc.) e o afago dun sector "pijo" do PP. Semella que en Cataluña eses votos deberon arañar sobre todo á esquerda, ó PSC. En Galicia non hai aínda mobilizacións neste tipo, porque o ritmo de galeguización da sociedade é moito máis lento (e o PSdeG non é o PSC, claro). Pero cabe agardar algo así no futuro? Non é complicada a resposta.
Entradas
O poder do silêncio e da escuta
-
Ao longo de 20 dos meus 44 anos dediquei-me à engenharia, enfrentando
desafios, analisando-os e apresentando soluções. Em cada situação, o meu
objetivo era...
Hace 21 horas
3 comentarios:
Concordo con que en Galicia non hai un movemento dese tipo porque non lles é necesario, xa que teñen de sobra coa defensa que deles fan desde sectores do PSdeG e, en menor medida, do PP. Lembro, con todo, a época na que se temeu que o galego avanzase algúns pasos, e como axiña naceu AGLI (Asociación Gallega por la Libertad de Idioma), tan apoiada por algúns medios de comunicación, e que na Coruña chegou a ter unha presenza significativa. Logo xa viron que o do avance do galego nón ía en serio e que non era preciso cumprir as leis (véxase o caso do ensino), e ficaron tranquilos. Volverán a facerse ver cando haxa algún tímido avance real do galego, non o dubide. Eles defínense como antinacionalistas, mais quizais non habería que darlles polo pau e chamarlles como o que realmente son: nacionalistas españois partidarios da uniformidade lingüística.
Ciutadans é un partido desconcertante e sobre todo, perigoso, de cara ao xa aconseguido nestes lares. Considero que a sociedade catalana (sobre todo barcelonesa) é o sector pijo do PSC, a chamada gauche divine, moi descontentos con Montilla e ZP.
En Galicia tería que empezar a articularse un nacionalismo forte de dereitas, xa que é o único que pode frenar a adhesión a uns "Ciutadans galegos" dos personaxes que ti mencionas.
Un saúdo
O que quizáis molesta máis é que ademáis de antinacionalistas son laicos, e socialdemócratas liberais. Xa se sabe que o nacionalismo sempre tivo o seu furor seminarista e trabucaire.
Publicar un comentario