5 ene 2007






















Chagall e o comunismo.
(Pan por Pan, 5 xaneiro)

A Revolución de Outubro seduciu a milleiros de persoas Europa adiante e en parte de Latinoamérica: así, fundáronse Partidos Comunistas, clonados do modelo bolchevique, por todas partes. Eric Hobsbawm foi un dos moitos intelectuais brillantes que se sumaron ó novo engado revolucionario, no seu caso sendo case un neno. Pero houbo tamén desercións notables.
Por exemplo, o pintor Chagall, nomeado Comisario de Belas Artes en Vitebsk da man de Anatoli Lunatcharcski, designado este directamente por Lenin como director do Ministerio de Cultura. Moi cedo arrefriou o entusiasmo comunista de Chagall, porque a súa arte respiraba creación e fantasía inasimilables polo dogma: por que pintas vacas verdes, preguntábanlle? De Chagall é esta magnífica cita: A Revolución (bolchevique) podería ser unha gran cousa, se mantivese o respecto polo que é diferente”.

(Nota: este breve texto, que sae hoxe en La Región, naceu nun meu comentario deste blog. En calquera caso, é unha magnífica excusa para colgar outra das marabillas de Chagall).

2 comentarios:

Anónimo dijo...

¿PODE INDICAR DE ONDE OBTEN AS PINTURAS DE CHAGALL?. GRAZAS.

Marcos Valcárcel López dijo...

Excusas: xa mo preguntaron e esquecera respostar. Teño no ordenador un bo arquivo de pinturas, debuxos e fotografías. Algunhas proceden de libros meus, escaneados, pero en moitos outros casos recurro ó habitual: a San Google. Ás veces busco as imaxes nos libros e logo, para non estragalos moito, percuro por elas na Rede: a maioría acaban aparecendo. Tal foi o caso de Chagall: basta darlle a San Google, pulsar imaxes e saen case todas as que estou utilizando. Saúdos.