Inauguración oficial do curso na Universidade de VigoComo xa anunciaramos, hoxe pola mañá tivo lugar a inauguración oficial do curso 2007-2008 na Universidade de Vigo, no campus de Ourense, cunha conferencia do catedrático de Historia Contemporánea, Jesús de Juana. A conferencia, pronunciada en galego, titúlase "Historia e galeguidade" e reflexiona sobre o papel e función do historiador no mundo de hoxe e sobre a construción da identidade galega dun xeito aberto, cunha mención especial á Galicia da emigración.
Na foto inferior, grupo de amigos arredor do conferenciante, despois de quitarse toga e birrete: de esquerda a dereita, M.V., Manuel Ángel Candelas Colodrón, Jesús de Juana e Xosé R. Quintana. As uvas xa estaban ben vendimadas como demostra a copa que porta na man Manuel A. Candelas. As fotos son do amigo Pepe Trebolle (Trebi no blog) que tamén estivo presente durante toda a ceremonia e tertulia posterior.
Entradas
10 comentarios:
Mágoa non poder acompañalos. Por certo, que tal estaban os pinchos?
O conferenciante, correcto. O Rector, recto. O coro, sobrio. O acto, leve. Os pinchos, escasos. E o viño, Mencía.
Grandioso laconismo, que dicía Verne de Michel Ardan ("De la terre à la lune", en vella versión traducida e abreviada).
Jesús de Juana andaba polos viños fai un anaco.Dedicóulle unha mirada indiferente a Xoan da Coba.
Boeno,mañá por estas horas,andaréi trouleando polo San Froilán.Xa non vexo a hora.
NON SEI QUEIME, SEÑOR DA COBA, QUE EU O ACABO DE APLAUDIR NOUTRO FÍO. AQUÍ SOMOS MOITOS OS QUE O QUEREMOS E O ADMIRAMOS. E DE BOA GAÑA TOMARIAMOS UN VIÑO CON VOSTEDE, FOSE EN SAN FROILÁN OU FOSE EN SAN PERILLÁN... SEMPRE E CANDO INVITASE VOSTEDE, QUE O CARIÑO E A ADMIRACIÓN NUNCA PODE CHEGAR A ESES ESTREMOS.
Also..Prost und auf bessere tage!
(Entón...¡un brindis por mellores días!) (non me digan que non é bonito...)
Wir sehen uns im Lugo, Herr Da Coba! Tentarei levar un escote vertixinoso para que as súas miradas non sean indiferentes... A temperatura esta noite nas terrazas do Campo Castelo era fantástica, mágoa ter que traballar mañá! :-P
E quen está detrás da cámara, semella polas faces dos retratados, alguén simpatic@
Marcos informa que o autor da foto é Pepe Trebolle.
E, en efecto, ademais de bo lector e curioso infatigable, amante dos cogumelos e da boa mesa, navegante das nosas rías e paseante de todas as terras (boa viaxe a Italia!), Trebolle é unha persoa simpática e moi agradable. Un auténtico señor dos que apenas quedan. Eu, cando me xubile, quero ser coma el.
Un rapá preguntóulle ó seu pai por qué nas estampas saía sempre a Virxe có neno Xesús,e nunca saía San Xosé.
-É que está sempre facendo a foto.
Publicar un comentario