3 jul. 2008


Boas novas.
Pan por pan xoves 3 xullo

Xa saben que o Senado de Romanía está a discutir un proxecto para que a televisión do seu país emita unha cota mínima do 50 por cento de boas novas. Ata agora nos manuais de xornalismo afirmábase que as boas novas non eran novas. Non sei se se segue a dicir aquilo de que a nova non é un can que morda a un home, senón un home que mordese a un can: hoxe hai noticias máis sorprendentes que esa nos xornais. A felicidade, a rutina, o benestar, non venden. A xente quere morbo, traxedias, sucesos, de vez en cando unha ración de euforia como estes días. E o poder necesita o medo, a inseguridade, como medio de control social: un mundo feliz e seguro quizais decidise xubilar o labor dos políticos. Mentres non chega tal utopía, nós xa lle gañamos ós romaneses: velaí toda a información institucional nos medios. Non pasa nada, todo vai ben, todos felices.

4 comentarios:

XDC dijo...

E si non hai ningunha, invéntase.

Estes burócratas e as súas "cuotas"...

arume dos piñeiros dijo...

E a información institucional pagada por todos nós. Si si, xa sei: o chiculate do loro. Se algunha vez eliminan a información institucional (ese eufemismo) os xornais, radios e demáis familia van ao tacho.

XDC dijo...

Como di a miña aboa, pouco se perdía, en moitos casos.

XDC dijo...

As boas noticias, de unha en unha, ós poucos. Pra que parezan máis.
As malas, todas xuntas, coma se foran sólo unha.
Díxoo o Príncipe, do Maquiavelo, non o digo eu.