Nenas góticas e ridículo
Non me estraña que Zapatero forzase a situación para retirar as fotos da parella Obama coa familia Zapatero-Sonsoles ao completo simplemente para que non se visen as súas góticas fillas polo mundo adiante. Se cadra hai motivos máis simples que a protección da privacidade. ¿É lóxico permitirlles a unhas nenas ir disfrazadas de góticas a unha recepción co presidente dos USA? Hai xa unha fotomontaxe de sabor norteamericano pola rede na que aparece Obama cunha grande espada na man e un texto There must be Orcs arround facendo broma con eses seres mutantes do mundo Tolkien e á impropia indumentaria das cativas.
Se collésemos o vello refrán de Nunca un crego caeu dun carballo teriamos unha vía de achegamento ao tema. Imos ver. ¿Pódese considerar privada esa viaxe, esa recepción na Casa Branca? ¿Non é unha descortesía para quen os convidou que lle soliciten retirar as fotos e pasar esa xenerosa hospitalidade á clandestinidade? ¿E tan inxenuo ZP que non sabía que unhas fotos chamadas á ignorancia máis absoluta, coa súa acción censora, ían chegar ás primeiras páxinas de todos os xornais? Pois creo que non. Creo que se trata de xogar ao despiste.
Ese mesmo día producíase no edificio da Organización das Nacións Unidas unha situación profundamente vergonzante para a política española que pasou desapercibida, tamén grazas a este engado. Pois cando o presidente iraniano, Aymadinejad, pronunciaba o seu violento discurso antisemita -dous días despois de adornar os mísiles nos desfiles militares de Teherán con pancartas de Morte aos USA, Morte a Israel, etc.- marcharon da sala os representantes de Francia, Reino Unido, Alemaña, Italia, Estados Unidos, Canadá, Australia, Nova Zelanda, Suecia, Arxentina... ¿e quen quedou por alí? Pois a vangarda do planeta: España, Venezuela, Bolivia, Bulgaria, Turquía... Un par de días antes, nunha entrevista nunha televisión norteamericana insistiu de novo na "alianza co islamismo moderado" e retomou o da Alianza das Civilizacións impulsada por Turquía e España. No seu discurso perante o pleno, non lle entrou a ningunha das grandes cuestións do mundo e soamente se manifestou, simplonamente iso si, sobre Honduras. España, de novo, situando os seus focos de interese lonxe das preocupacións globais de Occidente.
Depois, loxicamente, cando os tres grandes dos nosos -USA, Gran Bretaña e Francia- petaron co puño na mesa e lle leron a cartilla a Irán para marcarlle unha liña na area -o día 1 de outubro- para vir ao rego, ninguén se lembrou del. E nós enredando coa foto.
Entradas
32 comentarios:
Un tipo que non é capaz de mandar na súa casa, poñendo en vereda as súas fillas, non pode ser un bo mandatario para un país.
Estou dacordo no punto das Nacións Unidas, España no mesmo intre en que Irán fale de exterminar aos xudeos, debería erguerse do asento e marchar. Agora, tamén deberían de facelo cada vez que fala Israel, que executa o seu particular "aperthait" cos palestinos, que matou a centenares de civís na guerra suxa do pasado decembro.
Mentres que Irán berra aos catro ventos o seu antisemitismo, Israel fai a súa particular islamofobia coa boca pequena, botando pedras e escondendo a man.
Isto tamén hai que contalo.
Un saúdo
NAZANIN AMARIAN en Vigo, o 15 de outubro na Facultade de Filoloxía e Traducción, ás 4 da tarde: "Irán, a terra das mulleres indomables".
Disto moito de ser votante do soe (sobre todo do soe que quer La Coruña, cona que os botou), máis non podo estar máis en desacordo cun artigo. E sobre todo coa parvada de comentario de "anónimo", supoño que será fiel votante do pepé, porque moi de esquerdas non é a expresión "poñer en vereda as súas fillas", maís ben é propia de losantos.
Unha visión desde Irán (en realidade desde o exilio en Barcelona) sobre Ajmadineyad e o Holocausto: Nazanin Amirian.
Eso, eso, anónimo, mano dura e intolerancia, cinturón de castidade e estado de excepción!!! Parece mentira.
Esto de poñer esas fotos manipuladas, ridículas e malintencionadas é moi propio de vostede sr. Monxardín xa estamos afeitos a súa falla de sensibilidade ética e estética.
Eu penso que a falta de sensibilidade "estética" é a de Zapatero por non educar como é debido ás súas fillas (unhas menores, por certo). En canto á falta de ética, pois que quere que lle diga: abonda con ver as cifras do paro e o feito de que a subida de impostos vai afectar ás rendas máis baixas.
Estou completamente dacordo con Monxardín:
"¿É lóxico permitirlles a unhas nenas ir disfrazadas de góticas a unha recepción co presidente dos USA?"
É lóxico un presidente negro?,
Os árabes, os negros e os pais permisivos están acabando coa lóxica, xunto cos iranís.
parece mentira que ete blog se preste a ridiculización dunhas adolescentes polo seu xeito de vestir. As críticas de Monxardin proceden da ignorancia confunde a costume e o habito coa lóxica, querendo extraer dos comportamentos humanos lei lóxicas para invalidar comportamentos ou apariencias estéticas, o resultado non pode ser outro que un delirio autoritario no que o costume, as boa maneiras se impoñen sobre a liberdade dos individuos. Como acostuma a suceder, quen presume de coñecer estas leis é o primeiro en non ser capaz de formulalas, observese a incoherencia, non digo lóxica, no artigo de Monxardín. Que delirio vincula na mente deste señor o "enredar coa foto", coa defensa de Occidente?. Non andará extraviado polo tempo das cruzadas confundido entre sortilexios, maxia e conxuros a percura da grande Jerusalem?, non vería demasiadas veces as peliculas de Indiana Jones?
Son Asevero (O xudeo errante)
A min paréceme estupendo que cada un vista como queira, pero a verdade é que a familia Zapatero ten un aquel coa familia Monster.
A min paréceme estupendo que cada pai deixe vestir ás súas fillas como queira: eu de mozo ía disfrazado de grunge e hoxendía de adulto vou disfrazado con traxe e gravata.
O criticábel é que o Presidente deste Estado leve ás súas fillas vestidas de pixo-góticas a unha recepción oficial cos gastos pagos por todos nós en Washington (os custes das pixo-góticas tamén) deixando catro millóns de desempregados na outra beira do Atlántico.
É como o facer de lider da esquerda proletaria mentres Zapatero locía un cinto de Hermés e unha camisa de Pedro del Hierro máis cara que o salario de moitos operarios.
A mín non me gusta como van vestidas as rapazas, certo. Pero, ¿e os modelos de Sonsoles e Michelle Obama? Ninguén falou deles. Tampouco as garavatas e os traxes dos homes me engaiolan. O que se trata é de tocar os collóns (desculpen a expresión) ó prezo que sexa. Se elas queren vestir así, pois haberá que aturalas. Si, si, o protocolo e todo eso. ¿Hai algo máis ridículo que as vestimentas dos cardenais, do Papa, dos cregos? Eses si que son góticos (ou gótico-cavernícolas) e ninguén lles chista. Góticos, burka, pantalóns curtos no verán, gorra con anagramas de partidos políticos ou de equipos de fútbol, monxas, xentes con chándals... E, se eso non basta, as camisetas (aínda máis se van molladas de viño como en moitas festas). Traxes de luces, que se di. E agora, o problema mundial son as fillas do Zapatero. O problema é a política de Zapatero. As rapazas que vaian como queiran. A esa idade moitos de nós fixemos o mesmo e se non o fixemos foi por falta de coraxe ou porque os pais non os deixaron. Protocolo: maldita verba. Protocolo para ir a algún lugar, protocolo da gripe A, protocolo para todo. "Un tipo que non é capaz de mandar na súa casa, poñendo en vereda as súas fillas, non pode ser un bo mandatario para un país". Curioso entendemento da familia. Acabáramos. Entón, ¿un profesor ó que se lle rebelan os alumnos e non é capaz de impoñer disciplina, é un mal profesor? Ou pode ser un excelente profesor ó que se lle foi das máns a situación por culpa duns desgraciados sen educación nen principios. Se ún non pode impor disciplina na súa casa, non pode ser bó mandatario, nen bó profesional nen nada, segundo se desprende de ese apotegma que cheira. "En vereda as súas fillas": ¿pode vostede explicarme que é por en vereda? Aznar levaba ós seus fillos ós actos vestidiños que daba gusto velos (parecían persoas de trinta anos e tiñan dez) e ¿foi un bó mandatario? Tempos, Deus, que tempos...
Para Anónimo:30 sep,1,17PM
Monxardín non e o responsable de poñer esas fotos.
O responsable xa se dice:
Insertadas por Trebi
Son eu o responsable :Trebi Saude
Para saber algo máis tamén sobre o goticismo, porque parece que interesa, un fermoso programa para estar ao loro: Semana Gótica de Madrid.
E pola miña banda, vivan as fillas de Zapatero.
Por Vigo pasean con marabillosa ousadía, que eu celebro sempre que podo, varias rapazas con estética gótica lolita. Sempre levo unha alegría enorme, entre tanto pantalón chino e camisa de cadros ou entre tanta camiseta de tiras e leggins negros.
Non fai falta engadir, para aqueles que disfruten nas súas clases de persoas con esta estética, que se trata de rapaces e rapazas cun nivel de intelixencia e madurez bastante máis elevado ca maioría do persoal.
Non sei eu se vestir mañán de gótico (todos fomos nalgún tempo Robert Smith). Antes iso que ser Ricardito Costa, con eses ternos cupinos e esas camisas de pescozo italiano, que lle acogotan mesmo a fala para producir esa gangosidade de pijo hors catégorie.
Hola ASevero, eu son o indio errante. Empecei a errar polo mundo após terme traido a París Jacques Cartier. Tí es máis vello, Cartáfilo.
Alguén nos pode "ilustrar" sobre si son ghótico siniestras ou outro matíz de ghótico.
Xa hai quen vai facer unha tese sobre a vestimenta destas rapazas como sigamos nesta (e non vou ser eu).
Lobo, disque son otakus, é dicir, seguidoras de manga. Non as dos seus vestidos, non: os tebeos xaponeses.
Manga, banda deseñada xaponesa caracterizada por moito sexo e utraviolencia.
Pero, elogo as rapazas non se poden vestir como lles pete???? = pasou co Evo morales cando veu...todos pendientes do chaleque e ninguén do que dicia.
O que vos vou contar é verídico. Sempre tiven prevención na casa de falar de persoaxes públicos como Zapatero e similares, máis que nada para que cada quén se faga unha idea e non influír (quén me dera) nos meus chavales.
O domingo xantando, sen súa nai, perigosa filosocialista, preguntáronme que pasara cunha foto das fillas de Zapatero. Conteilles o sucedido e o maior escacharrábase de risa, xa que coñece a compañeiros de clase das chavalas e din que en Madrid non son así.
En fin, se esto fose certo, aínda sería maís grave do que o pinta o Monxardín.
Juventud, divino tesoro.
Porque xa parecemos os vellos aqueles que saían no palco do Muppet Show. Con moita menos gracia, ofcors.
A anécdota de Von Der Stein é sustanciosísima e moi esclarecedora.
Paréceme que "eles" están noutro nivel. Non temos definido cal é o punto de referencia, pero mentres non desconecten "da realidade", no sei cal "realidade", todo irá ben. Vistan como vistan.
E pode que se estén escacharando de risa dos que non somos dese sistema.
Hai un símil.
Os cazadores, cando andamos ó xabarí, despois de unha mañá e parte da tarde de busca sen abatir nada, acostumamos a decir: "os xabarís están a rirse de nós". Emburatados nas motogueiras é ben certo que nos observan sen nos alcanzalos.
O artigo semella propio dun comentarista de Intereconomía ou de Libertad Digital. Non o comparto, e ademais non me gusta, sempre é o mesmo este Monjardín, repítese máis que o Bolero de Ravel. Aproveita calquera tema para rematar cos seus comentarios ultras, e como non podía ser de outro xeito sae en defensa do criminal estado de Israel.
¿Algún argumento ademais de insultar, anónimo do vie oct 02, 12:18:00 AM?
E logho un comentario, il non pode ser ultra?, e o estado de Israël criminal?, sen que eso sexa considerado insulto. A mín non me parecen insultos. Bueno, no caso de Monxardín podería ser millor "conservador", en troques de ultra, que é o adxectivo que eu acostumo a usar.
Pode que os adxectivos sexan introducidos á mantenta para introducir "tensión dramática", o cal non está nada mal. Outros o fan coa economía ou coa salude ou co prezo das materias primas.
Senon que sería a vida?.
Pero non pasa nada. Bueno, hom, hai que ir afacéndose a opinión diverxente dos demáis.
No longo errar dos meus anos teño observado moitas definicións da nación, unhas esencialistas, outras cívicos´e a experiencia me di que ningunha aillada é axeitada, que é un puro mito unha definición de nación somentes cívica e que é un despropósito unha definición exclusivamente etnica. O politicólogo Ramón Maiz matiza e analiza estes dous tipos de definicións no segundo capítulo da súa magnífica obra "La frontera interior" e coido que moi axeitadamente.
Intereconomía y Libertad Digital son cojonudas
Publicar un comentario