Así vai a campaña...
Se lles parece ben, espero que si, abro este fío para comentar entre todos como vai a campaña das municipais: en comentarios, que abrirei eu xa, poden facer todas as suxerencias que lles presten, comentar anécdotas, dar ideas, críticas ou mesmo brincadeiras, sobre a campaña nas diversas cidades galegas.
Os privilexiados. (Pan por Pan 13 maio)
Empezou a festa electoral. E con máis forza se cabe na cidade de Ourense, que seica disputan como prioritaria todas as forzas políticas: do que pase en Ourense en Vigo será do que se fale cando se faga o balance galego dos resultados. Empezou o barullo, os automóbiles coas megafonías (por favor, non se pasen), os agasallos para os nenos e os mitins de masas. Pero a estes só van os convencidos, xa saben. Os privilexiados na festa son, sen dúbida, os votantes indecisos. Segundo as enquisas deben ser un 13 por cento en Auria: coa abstención do 2003, unhas oito mil persoas. Eles son, en realidade, os únicos que contan. A eles vai dirixido o xigantesco gasto da campaña: se dividísemos este gasto entre os oito mil indecisos, o valor de cadanseu voto había saír ben caro, ata poderían ir de vacacións. Pero é o que hai: o resto, os que aplauden nos mitins, xa teñen o voto decidido
Entradas
Hace 5 días
158 comentarios:
Pois empezo eu mesmo. Con varias impresións sobre Ourense.
Polo que vin nos debates, ata agora, o BNG leva o candidato máis preparado e que mellor imaxe está dando: Álex Sánchez Vidal. "Poly" Nóvoa polo PP ten o seu aquel populista e dende logo sabe comunicar co seu público.
As listas son, en xeral, moi mellorables.
A mellor peza musical é tamén a do BNG: esa musiquiña do "Xente divertida..." (creo que de Luar na Lubre, se non estou errado) é pegadiza e funciona. Nos videos en cambio vexo os candidatos (do BNG) algo artificiosos.
O PP nos carteis de Ourense creo que comete un erro bastante tonto: puxo carteis fixos, nos espazos publicitarios, co alcalde e os homes da candidatura, por unha banda, e co alcalde e as mulleres por outra: sexos separados, como antes da coeducación. Para min,un disparate.
Pola miña banda comentarei un pouco a campaña... En Barcelona! Pois si, a idea é que se organizará no centro galego algún debate, no que seguramente participará xente dos tres partidos, e de algún dos de aquí (que explicarán as súas políticas de cara aos galegos emigrados).
Galiza Nova Barcelona visitará algunha radio, pra comentar as eleccións en Galiza. Estaremos atento a todo o que pase!
En cuanto a Ourense considero que, sen dúbida, o desplegamento na rede de Alexandre Sánchez Vidal vaille dar un plus entre a cidadanía. OS vídeos, todos os que vin (Vigo, Lugo, A Coruña, Santiago, Ourense etc) son de primeirísima calidade, do PP só me gustou o de Pontevedra (técnicamente, non o fondo; ademáis ten vídeos co rei como "reclamo").
Unha aperta, Marcos
A canción que utiliza o BNG como lema musical non é de Luar na Lubre, é de Berrogüeto. Destaca a inconfundíbel voz de Guadi Galego.
Un saúdo.
Meus amigos, deixense de BNGs, PSOEs ou PPs.
O partido verdadeiramente válido e cun programa único e transformador é este:
Partido da Lei Natural
(O anfitrión dixo que se podían facer brincadeiras, non si?)
APC seica anda colgado do You Tube?
Así evítanos fedellar nese aparello.
A miña impresión é que o Alex vai como un tiro... O Paco a remolque da imaxe corporativa do PSOE que seica lles garante os seis concelleiros aínda que presentasen ao gato Samuel. E o Poly desinflándose... E o Baltar, ulo?
Triste Poly ter que facerunha campaña sen poder recorrer á presenza do anteorior alcalde da cidade nin ao xerif provincial... Se ensaia a liña Sarko, desmarcarse dos seus amigos, se cadra pode rañar algo...
Mais acho que nao.
Ou sexa, o Pichoe varias maiorías absolutas nas cidades... o BNG materá Pontevedra máis ou menos todo igual, se cadra perde un, e no Galimatías de Vigo, a folga do metal dálle alas á dereita, obviamente... Ou sexa que inestabilidade polo sur. E no interior, Gaña Poli con 12, Alex con 8 e o SOE o resto... que non sei cantos son. Ou sexa, Al.Al.Al. (Ala, Alcade, Alex)
APC seica anda colgado do You Tube?
Así evítanos fedellar nese aparello.
A miña impresión é que o Alex vai como un tiro... O Paco a remolque da imaxe corporativa do PSOE que seica lles garante os seis concelleiros aínda que presentasen ao gato Samuel. E o Poly desinflándose... E o Baltar, ulo?
Triste Poly ter que facerunha campaña sen poder recorrer á presenza do anteorior alcalde da cidade nin ao xerif provincial... Se ensaia a liña Sarko, desmarcarse dos seus amigos, se cadra pode rañar algo...
Mais acho que nao.
Ou sexa, o Pichoe varias maiorías absolutas nas cidades... o BNG materá Pontevedra máis ou menos todo igual, se cadra perde un, e no Galimatías de Vigo, a folga do metal dálle alas á dereita, obviamente... Ou sexa que inestabilidade polo sur. E no interior, Gaña Poli con 12, Alex con 8 e o SOE o resto... que non sei cantos son. Ou sexa, Al.Al.Al. (Ala, Alcade, Alex)
Predición segundo algún cargo da Xunta actual nunha Consellaría do BNG: este último poderia ficar coma está nas cidades, talvez entrar no goberno de Vigo e Ferrol, e se hai sorte que caese Ourense. Pero onde agardan subir é en vilas e no rural. A receptividade da xente e a concorrencia aos actos de precampaña, polo que semella, foi espectacular en termos relativos. Nótase que o BNG ten poder e que ao cheiro do poder arrímanse os indecisos e "gorróns", que dirían os teóricos dos movementos sociais. Un paso máis na institucionalización do BNG. E pode ser un duro golpe para o PP, que comeza a notar tamén no rural o duro que é non gobernar e non ter a billa das subvencións e investimentos.
Os actos de campaña do BNG foron dous ata o de hoxe. Un en Boiro e outro en As Pontes. Arrancar en As Pontes é sempre de agradecer, porque alí xa está institucionalizado o BNG desde hai moito tempo.
A concurrencia en As Pontes tende sempre a ser espectacular: xa botaron a un alcalde infame (con Puentes Leira polo PP, de xuíz de liña) nun pleno apoteósico no Pavillón de Deportes. E, desde entón, con boa parte da plantilla de ENDESA afiliada á CIG, moitos deles convenientemente prexubilados, o BNG arrastra as masas en As Pontes. Outra cousa é que gañen, despois de quitar de diante á xente valiosa, pero tamén é verdade que fronte a eles só hai o abismo: un grupo de Amigos de As Pontes que gobernou o pobo con irresponsabilidade, un PP desaparecido tras a renuncia a xuntarse precisamente con eses Enemigos de As Pontes, e un PSOE que representa básicamente ás persoas que viron doutros lugares alí a traballar, con pegada tamén no eido sindical. Se non acada maioría absoluta o BNG sempre terán os votos dos edís do PSOE para gobernar. Temos Vitolo (cunha política de terra queimada no seu propio grupo que ten arranxar estes anos) para outros catro anos. Ou sexa unha institución. Agora ben: falta por ver cál é a súa ideoloxía.
Digo esto para que non crean que aumenta a paixón nos actos de campaña: foron aos templos máis fervorosos.
Eu sería moito máis cauto á hora de deducir das precampañas ou campañas electorais (pero non dixeramos que apenas valen para nada?) uns hipotéticos resultados electorais. Un candidato pode facer unha boa campaña e, alás!, obter uns resultados moi inferiores aos agardados.
Certamente que o PP perde folgos por mor de non ter xa poder nin en Santiago nin en Madrid, mais o seu desinfle vai moi pouco a pouco, tan pouco a pouco que, case seguro, apenas se vai notar a diferencia. O que si está moi claro é que non vai subir en termos xerais, pero baixar perceptiblemente tampouco.
Escuso dicir que espero estar errado neste diagnóstico. Tan de andar por casa, por outra banda.
Devolvamos a Berrogüeto a autoría da canción do BNG e excusas polo erro de atribución. Nas contas de Etxeoquehai saen 12PP, 8BNg e quedan 7 para o psoe (son 27): eu reduciría esa diferencia, non creo que o PP baixe dos 13 (esperemos que non chegue ós 15 que pronosticou Baltar). E dado o peso do aparato socialista (e os reforzos que virán de fóra, incluída a vicepresidenta do Estado) quizais a oposición poida gobernar cun 7-7. Menudo lío: alcalde o que teña máis votos, non? E se a diferencia é por moi poucos votos?
Do resto, os cambios nas cidades serán poucos: a victoria duns ou doutros dependerá, sobre todo, do que pase en Vigo e Ourense. Por iso van botar aí a casa pola ventá.
O medre de votos bng en vilas e medio rural é posible: eran as contornas onde o Bloque era forte nas súas orixes, non esquezamos, e agora co apoio do poder xunteiro. Xa foi un éxito significativo facer listas en todos os concellos,por primeira vez.
E esquecín antes falar dos minoritarios. En Ourense, creo que non teñen nada que facer: IU porque pasaron os seus bos tempos (con Peña Rey, ausente como candidato-alcaldable) e Terra Galega e PG porque levan dous tránsfugas impresentables: Valcarce, home que provén do PP no Concello e xefe sindical de funcionarios (por non dicir máis), e Troitiño, un líder político renegado do psoe, con capacidade e intelixencia, que puxo o PG o servizo dos seus intereses (ten un pequeno lobby de seguidores). Pero coa tri-polarización que se aveciña, é moi difícil xuntar os votos necesarios para chegar á Casa do Concello: ademais, entre eles mesmo restaranse votos.
Ollo ao Troitas.
Prognostícolle PG 2346 votos.
A Terra Gallega 875
A Democracia Ourensá 612
A IU 316
Claro que podo errar algo.
RESULTADOS EN OURENSE 1999 e 2003, segundo Vieiros.
Ourense Porcentaxe escrutada: 100%
PP BNG PSdeG-PSOE Social. Ou. - SG outros
1999 47,6 (15) PP ; BNG, 22,2 (6); PSOE 19,9 (6)
2003 PP 46,5 14 concelleiros
BNG 24,4 7 concelleiros
PSOE 19,6 (6)
Socialistas ourensáns, de Troitiño, sacara 4,7, sen escanos. 0 resto, Outros, 2,7 0
Esta é a miña quiniela:
Santiago
PSdeG: 12
PP: 10
BNG: 3
Alcalde: Sánchez Bugallo (PSdeG)
A Coruña
PSdeG: 14
PP: 8
BNG: 5
Alcalde: Javier Losada (PSdeG)
Vigo:
PP: 12
PSdeG: 8
BNG: 6
PG: 1
Alcalde: Abel Caballero (PSdeG)
Ourense:
PP: 12
BNG: 7
PSdeG: 6
Alcalde: Alex Sánchez Vidal (BNG)
Ferrol:
PP: 8
PSdeG: 7
BNG: 4
IF: 4
EU: 2
Alcalde: Vicente Irisarri (PSdeG)
Pontevedra
PP: 10
BNG: 9
PSdeG: 6
Alcalde: Fernánez Lores (BNG)
Lugo
PSdeG: 13
PP: 9
BNG: 3
Alcalde: López Orozco (PSdeG)
E todos contentos, quitando o PP, que terá que conformarse con manter as alcaldías de Lalín, Ortigueira e Celanova, lugar este último onde non poderá ganar nunca a esquerda mentres siga presentándose polo PP un candidato tan bo como Mouriño.
Ollo, que o señor Leituga 1 é un gran xogador de quinielas e acerta bastantes veces (non sei se terá información privilexiada dos entrenadores dos distintos equipos de fútbol).
Sr Leituga 1 perdeu xa.... lamento dicirlle non é posible que acerte... si non me equivoco en Ourense hai 27 Concelleiros (si non se sorprendan, como en Vigo ou en Coruña..)Darémoslle unha segunda oportunidade veña, como ó alcalde do Barco para refacer a lista... ¿A quen lle sube vostede os dous q faltan?
Haber,Sr Valcárcel, porque non se promociona algún vicio, dende o blog, qué lle parece facer unha porra?
Leituga, aclare, aclare, que está ben saber, en qué é tan bo o Sr Mouriño. Sóltese da língúa...
Qué pronostica xá que fala de vilas para Ramirás, A Merca, Bande, San Cibrán ?. Redes non digo de qué, dende sempre dos Pepe´s.
E das deputacións qué.
Como van quedar as deputacións segundo vostedes?
Como estamos nos primeiros días espero que desculpen esta intervención ao respecto dun tema tan frívolo e secundario como a utilización dos Audis oficias da Xunta durante a Campaña Electoral. Partamos de que aplaudo a medida pero gustaríame saber si, por exemplo a Sra Conselleira X, vai un mitin a Foz, por exemplo, irá primeiro dende Santiago a Vigo para coller o seu coche e logo irá cara o mitin ou, perdoen o comentario de xénero, ¿A recollerá e a levará o seu marido para aforrarlle o traballo? ¿E se ten dous mitins? ¿E si bebe nas ceas-mitins?.
Outra dubida ¿Alguén me pode confirmar que veremos chegar ao Sr Touriño conducindo o seu coche e buscando un lugar onde aparcar cando vaia o pabellon de Lugo? ¿Ou irá no medio da súa caravana (aducindo obviamente motivos de seguridade) a 150 Km/hora sen que lle quiten os puntos? (podería dicirme alguén, por exemplo en que foi hoxe e onte? ¿e o Sr. Quintana? E, algún de vostedes con boas relacións ¿Saben se algunha/o Conselleiro non conduce?
Fagamos outra porra tamén: Cal será o comportamento que se utilizará mais a este respecto:
- Os levarán os coche oficiais de algún director xeral (xa que este tamen vai, non lle costa nada).
- Algún Director Xeral ou alguén do partido con aspiracións (hai que facer méritos) os levará e aparcará o coche.
- Alugarán coches con conductor (están aparecendo sospechosos C6), os días que teñan que desprazarse ós mitins, e pagarán eses servizos con cargo á Xunta facturados, eso si, como outros conceptos.
- Contratarán os partidos os coches con conductor e xa veremos como se paga.
- Porán aparcacoches nos lugares dos mitins.
- Irán no seu coche e aparcarán eles mesmos onde poidan.
-Outros..
xa non molesto mais, poden seguir con temas serios
Vigo:
PP: 13
PSOE: 8
Bloque: 5
PG:1
Alcalde: Manuel Soto; como en Cantabria.
Pois supoño que farán como o ex Presidente Fraga e os seus conselleiros. Polo tanto, non hai problema. Porque Fraga e os seus conselleiros eran moi escrupulosos con estas cousas. Verdade que si, señor anónimo?
Dende logo, é unha quiniela ben razoábel. De certo que non andará lonxe da realidade, Leituga 1.
E o dos mítins, os cargos e o coche, non é por nada, pero é retórica barateira propia da COPE. O país non se vai arruinar máis ou menos porque un conselleiro vaia en coche oficial. E para as campañas son os partidos os que poñen os coches. E nalgúns casos helicópteros ou avións privados. Ten os seus sacrificios: Quintana sempre tiña que levar un Citröen, por aquilo de facer "patria" polos obreiros vigueses da multinacional francesa. De eu estar no seu cargo e ter que ir nun Citröen, protestaria. Co que me gostan os VW ou os BMW!
A ver se arranxamos o tema de Ourense...
Doulle un máis ao PP e outro máis ao PSOE, que igualaría así co BNG en número de concelleiros, pero con menos votos.
PP: 13
BNG: 7
PSdeG: 7
Alcalde: Alex Sánchez Vidal (polos pelos)
Fago algún outro prognóstico: o PP vai sufrir moito e vai levar un castigo de certa dureza. Talvez conserven a Deputación de Pontevedra, grazas á mellora da súa votación en Vigo, pero creo que poden perder a de Lugo. Nesta provincia vai ser bastante espectacular o incremento do voto socialista. É moi probable que os socialistas se fagan tamén con alcaldías de vilas medias que parecían abonadas de por vida aos conservadores, como Silleda, Chantada, A Estrada, A Garda, Marín, etc. O Bloque vai consolidar alcaldías importantes como Monforte de Lemos, Carballo e As Pontes. No conxunto de Galicia creo que non chegará aos 300.000 votos. Baixará, por tanto, pero compensará esa dimunición de sufraxios coa posible conquista da alcaldía de Ourense e o mantemento da de Pontevedra. O PP manterá ben o tipo tan só na provincia de Ourense e resistirá numantinamente en Pontevedra. Na Coruña e Lugo asistirán a unha moi considerable fuga de votos.
Segundo a enquisa do CIS que apareceu antonte, as perspectivas no resto de España son similares: o PP só aguanta ben -incluso moi ben- en Madrid, Murcia e Valencia. Manterá a maioría absoluta, aínda baixando, en Castilla-León e La Rioja, aínda que nesta última comunidade está a rozarse a sorpresa. Sube algo en Castilla-La Mancha, Extremadura e Asturias, pero a maioría nin a cheira. Baixa en Cantabria, Canarias e Aragón. E perde probablemente Navarra e Baleares.
Eu creo que a derrota do PP nas municipais vai ser premonitoria da que tamén se producirá nas xerais de dentro dun ano. E, con todo o meu respeto aos populares, penso que é o mellor que lles pode pasar, pois daquela a renovación da actual direción será inevitable. Con Acebes, Zaplana, Pujalte e a sombra sórdida, resentida e medio bébeda de Aznar é imposible que volvan ao goberno de España. O que me temo é que a enxurrada renovadora que se producirá despois das elecións de 2008 levará por diante tamén a Rajoy, que é un paisano que a min me cae bastante ben, se lles digo a verdade.
Polo que respecta ao tema menor do motor (non me negarán que da mais de si o da Formula 1 en Valencia que o dos coches da xunta) penso que é bo ser un pouco coherentes nas respostas que aportamos en diferentes ámbitos (e o Sr a.p.-c., polo que eu o teño lido neste espazo o é) e que ademais ninguén nos obriga a contestarlle a outro participante nesta tertulia virtual. Non entendo logo que se afonde na absurda liña argumental que utiliza o Sr Rodríguez na polémica do Banco de España. Xa sabemos o mal que ó facía o Sr Fraga e xa o tiñamos moitos por mentirán, dogmático e tantas cousas máis (e tal vez por elo non o votabamos), pero iso non da pe a que ó actual goberno sexa nin mentiran nin dogmático (e máis, a min me molesta moito máis, porque este goberno si recibiu o meu voto). Simplemente lles pediría os responsables políticos que usen ben, e dicir con sentidiño, os coches e o patrimonio dos galegos e deixo ese ben ao seu criterio (iso si, xa postos, gustaríame que sexa o que sexa, fagan o que din).
Deputacións: PP 3; PSOE 1.
(por certo teño unha dúbida que preciso despexar antes de dar a miña predición (bonolotos para outros q diría Monxardín)e espero non levantar susceptibilidades que non busco ¿Os resultados previstos son antes ou despois de computar o voto emigrante?)
Usei a ironía para referirme a un asunto que, sendo realistas e non anxelicais, é ben menor: o uso ocasional dos coches oficiais para ir dar un mitín o único gasto que xeran é un pouco de gasolina, de rodas e de mantenimento.
O que si se podería discutir, pero coido que agora non é o momento, é outros modos maiores de despilfarro, que os houbo e os sigue habendo.
Daquela, facer fincapé no de "collela con papel de fumar" non é moi pertinente agora. E desculpas se alguén se sinte ofendido.
Non é a miña misión a de defender ningún goberno, nin sequera a este.
Pero deixo constancia da noticia que traía a prensa este venres (El País, 11 de maio de 2007, páx. 41):
"El acuerdo adoptado ayer en la Xunta también compromete a los miembros del Gobierno a evitar cualquier confusión entre la actividad que desarrollarán estos días como representantes de la Administración y la que llevarán a cabo en el marco de la campaña electoral. Entre otras cosas, los conselleiros se comprometieron a no utilizar los vehículos oficiales que tienen a su disposición para acudir a los mítines y los actos de campaña de sus respectivos partidos".
Que este compromiso se vai respectar ao 100%? Pois non sei, pero estou por asegurar que na inmensísima maioría das ocasións si.
Xa que logo, asunto concluído este dos coches. Pasemos, pois, a cousas máis serias.
O lema de Corina Porro é para mín un acerto absoluto: "Alcaldesa de Vigo". Non se pode facer mellor. Vai ser oso duro de roer.
O que me chama a atención da enquisa do CIS é que Madrid existe. Ou sexa esa dinámica da crispacíón é crida e vivida por boa parte da súa cidadanía.
As moitas manifestacións, as tertulias rabiofónicas, etc. están a dar o seu froito, só na capital... A este paso habería dúas españas. A de Madrid, onde gaña o PP porque "se pode perder Navarra" e a outra, entre ela Navarra, que buscará a mellor op´ción para o acordo e a eliminación progrsiva de tensións.
O inmenso nabo do PP en Galicia -0 cidades, 1/3 das vilas, 3/4 do rural profundo- unido ao nabo xeral español debería facer pensar en mudar de táctica, líderes, etc. A non ser que confundan Medrí con España, novamente.
Non farei referencia á enquisa de Sondaxe que hoxe publica La Voz de Galicia, porque a supoño coñecida por todos. Quen ten comentado algunha outra da mesma fonte fágao agora tamén, se gusta.
Non adoito atinar moito. Déixenme dicirlles, en todo caso, que os números atribuídos ao alcalde Orozco nos últimos meses chocan un tanto co meu sentido das cousas: este pasa por unha valoración da lexislatura, comentarios escoitados e actitudes do propio candidato.
Con todo, balance da primeira fin de semana: Orozco reborda en medios e presenza; García Díez (PP, antigo alcalde con maioría absoluta) ten unha penuria en presenza que mesmo alarma; Laxe (BNG) segue na liña de encontros diarios que xa dura meses.
Por veces, a prensa local suxire unha bipolaridade (no debate) PSOE-BNG que os encontros públicos a tres en xeral non desmenten. Estame a parecer unha campaña interesante, e non podía dicir o mesmo outras veces. Quitando ese punto do PP e García: poden, deben facelo moito mellor. Repítollelo, e non é broma: mesmo preocupa velos así.
VERJONSA ALLEA!!! (Se é certo isto que hoxe dá a Voz de Ourense). NIN o alcaldable do BNG, nin o portavoz da Deputación, nin a sra. vicepta. do Parlamento, teñen o seu nome galeguizado: son aínda Alejandro, José e Teresa.
Cóntao, en LVG-Ourense, X.M. García (na versión en papel aparece ó remate un listado de candidatos do BNG co nome si galeguizado, pero este non sae na versión dixital):
Remisos ao galego. Os nomes en castelán dos candidatos
Moitos candidatos aínda non optaron pola galeguización no carné de identidade
(Firma: Xosé Manoel Rodríguez | A chegada do BNG ao Goberno autonómico supuxo un claro avance na normalización lingüística de Galicia. Por máis que sigamos cunha administración infestada de funcionarios aos que lle entra sarpullido cada vez que teñen que disimular que lles importa un bledo cumprir a lei de normalización ou que haxa conselleiros que aproveitan calquera físgoa para falar contra os «fundamentalistas bloqueiros», o certo é que se avanzou máis nestes dous anos que na maior parte dos anteriores gobernos populares. ?Aínda que sempre hai matices. Por máis que escoitemos ata a saciedade nos últimos tempos que «lingua e territorio» son a esencia e o futuro de Galicia, a realidade é que aos candidatos do BNG fáiselles un pouco costa arriba predicar co exemplo e a lectura da listaxe de candidatos na provincia -a oficial, a que se fai reflectindo o nome real que figura no carné de identidade- deixa en evidencia que aos nacionalistas pódelles máis a tradición e as reminiscencias españolistas que o compromiso. ?
A situación. Aínda que por todos lados nos chegan as mensaxes electorais e as proclamas de Alexandre Sánchez Vidal, Xosé Manuel Pérez Bouza, Tereixa Paz, Xabier Carreira, Xabier Saco, Xosé Manuel Quintela, Xosé Rodríguez Cid ou Xesús Deibe, entre outros, a realidade é moito máis túzara. O candidato do BNG á alcaldía de Ourense chámase, oficialmente, Alejandro Sánchez Vidal. O portavoz nacionalista na Deputación, e candidato en Porqueira, é José Manuel Pérez Bouza, como José Manuel figura na listaxe de Cea o candidato do BNG. A vicepresidenta do Parlamento, suplente na lista de Barbadás, segue sendo a efectos legais María Teresa Paz Franco e os «Xabieres» de Piñor e Ribadavia son Francisco Javier Saco e Francisco Javier Carreira. O delegado de Medio Rural, suplente en Cartelle, segue constando como José Rodríguez Cid e o candidato no municipio de Lobios loce un flamante Jesús Deibe.
Para Leituga:
Por certo, xa que nomeou ó sr. Mouriño en Celanova (do que non podería eu falar mal, formando parte os dous da Fundación Curros, enténdase ben). Menuda metedura de pata desoutro día do PSOE local entregando unha ambulancia (de non sei que consellería) a non sei que ONG de Celanova (Cruz Vermella?) nun acto partidario e polo alcaldable do psoe: creo que xa foi censurado ese xesto pola mesma Xunta. Como se pode ser tan ousado, en plena campaña...????
Sinceramente.
Que membros relevantes do nacionalismo galego teñan aínda o seu nome sen galeguizar é un espectáculo bochornoso.
E logo queremos que o galego... etc., etc., etc.
Boca grande e boca pequena?
Se a denuncia que fixo a Voz e que recolleu antes "Anónimo" non é certa, eu agradecería moito que calquera responsable, do nivel que sexa, do BNG, a desmentise aquí mesmo. Eu cando menos quedaría máis tranquilo. Non é un tema anecdótico: afecta á credibilidade do propio proxecto nacionalista.
Coincido con vostede, señor Valcárcel no de Celanova e a ambulancia. É unha maís desas aínda habituais confusións entre partido e administración pública.
Pois eu vou aquí dicir algo e vostedes valorárano, se gustan, como estimen oportuno: nos papeis oficiais, para todos os efectos, eu figuro como José Manuel González Pérez; e a idea é que así continúe sendo, cando menos, mentres meus pais sigan vivos.
É certo que non son líder político nacionalista. Pero as cousas como son.
Dáme a impresión de que, si non mudan as tendencias, a campaña será moi larga para aqueles que xa perderon folgos durante a precampaña..... Si Corina e Poly non meten a pata vaille ser moi difícil o PSdG-PSOE asumir as súas responsabilidades de liderazgo social en Vigo e mesmo de chegar ós 7 concelleiros en Ourense... En calquera caso para min, e tal e como as teñen planteadas os partidos políticos, nesta campaña pouco se pode ganar (sobre todo PP e PSdG) pero moito se pode perder (sobre todo o PSdG) ....cuestión de expectativas como dixen noutra entrada (en contestación o Sr. a.p.-c.)
E xa que falamos destes temas... ¿Como valoran vostedes o tema da presencia dos lideres no programa "Hai Debate"? Que farían no de mañá luns... Eu móllome primeiro..penso que (en clave electoral que é na que estamos) Quintana acertou indo o luns pasado e que Alberto Nuñez sería moi torpe se non fora este... Difícil papeleta para o Sr Touriño...
Amigo XMG.: Deus me libre a min de dicirlle a ninguén o que ten que facer. Eu teño amigos que non galeguizaron o nome: porque lles gusta máis en castelán, porque xa están afeitos, porque o len coa grafía portuguesa, etc. A nivel persoal cadaquén é moi libre. Pero, se un encabeza unha lista nacionalista, despois de facer 20 campañas sobre este tema, de saír a cousa denunciada nos xornais 20 veces tamén, e de andar esixindo a todo o mundo patróns de conduta (velaí B.Lobeira), neste caso creo que hai que pedir un mínimo de coherencia, digo eu...
Quintana acertou asistindo, Núñez Feijoo creo que xa vai e Touriño debería asistir, dende logo.
Quintana sabe manexar estas cousas: velaí como se gaña en cada campaña, día si, día non, a foto da xornada, mesmo tocando a batería se é preciso.
E si, coincidimos moitos, polo que se ve, en que o PSdG^-PSOE vai ter que esforzarse para mellorar os seus resultados en Ourense (e en Vigo??). En Ourense diso pode depender gañar ou non a alcaldía polo conxunto da oposición bipartita.
Opino exactamente o mesmo que Marcos verbo da galeguización dos nomes. Por certo que eu o teño galeguizado dende hai décadas, dito sexa sen presumir.
Quixera abundar na idea, e, por favor, que ninguén o tome a mal nin por alusións.
No plano persoal-familiar cada un sabe das súas servidumes e renuncias, e case ninguén está exento dalgunha. E ese é terreo sagrado no que cabe non entrometerse.
Agora ben, moitas veces queixámonos da influenza da igrexa católica e presumimos de laicos e algúns até de anticlericais. Pero iso é contraditorio con casar pola igrexa, bautizar os fillos e facerlles a primeira comunión... coa "desculpa" dos pais.
Quen así faga, está no seu dereito a facelo, pero coido que non está lexitimado logo para criticar a Igrexa nin para dar a matraca. Para min non son críbles neste aspecto concreto. Como tampouco son críbles aqueles que van de máis esquerdistas ca ninguén e logo teñen unha pequena empresa que explota vilmente os seus traballadores. Ou como un célebre arquitecto galego ao que lle oín unha diatriba incendiaria tan furibundamente anti-PP, cando todo o mundo sabe que se beneficiou até as cachas de contratos directos coas administracións conservadoras.
Sobre todo cando de asuntos relixiosos se trata, moitas veces póñense como desculpa os pais porque non se teñen os folgos de rachar con determinadas rotinas e costumes herdados, aínda que sexan claramente rotinas e costumes reaccionarios e conservadores. E a isto chámaselle... ben, mellor non usar o termo preciso.
Agora ben, cada un é libre de facer o que lle pete, mesmo de negarse a si mesmo.
E repito de novo: que ninguén se dea persoalmente por aludido. Pero é que eu, nalgunhas cousas, só nalgunhas cousas, son un profundo e perigoso radical.
Pero a ventaxa de chamarse Xosé e que podes presumir de cambio, pero se tes o nome de Marcos, como carallo galeguizas, ou Pepe ou Manolo? Ademáis, podes nese caso, fachendear de lusista, no caso de denuncias ou comentarios como os que están aquí a aparecer.
No da relixión, completamente de acordo. Coñezo a moi pouca xente que, despotricando contra a Igrexa, non pasara pola vicaría, non baptizara ao fillo/a ou non lles fixera pasar pola primeira comunión (game boy inclusa). Xa non digo o que celebra o nadal, trae sempre algo por Reis ou acude a funerais. Onde está o límite?
Amigo APC: comparto con vostede esa radicalidade. Pero tamén lle digo: estamos sós.
Ter por nome Marcos ou Demetrio ou Damián, é unha benzón, sinceramente.
Primeiro, non tes que facer ningún papeleo para galeguizalo. Segundo, todos os papeis bancarios e facendísticos chéganche sempre co teu verdadeiro nome, e non unhas veces Xoán e outras Juan. Terceiro, non tes que pasar sistematicamente o engorro de dicirlle ao funcionario ou oficinista: non, non é Juan, é Xoán con equis (tes que dicir "equis" para que che entendan ben). Cuarto, os teus pais e as túas tías non se mosquean cando che ven o novo DNI. Quinto, ...
Verbo dos límites da laicidade vivida o máis coherentemente posible. Pois acudir a funerais, sempre e cando non se sigan os ritos e se manteña unha discreta pasividade, e se é por respecto ao defunto e a súa familia, non lle vexo problema grave. Con todo, eu procuro quedar fóra da igrexa cando non é un familiar directo. O de celebrar o Nadal e o de Reis, aquí, se se teñen nenos, pois non queda máis remedio que facer algunhas concesións, pero pódese non lle dar connotacións relixiosas explícitas a súa celebración, iso si, explicándolle ben o asunto aos rapaces (que tontos non son), e traer igualmente os agasallos dos Reis Magos, e tamén os de Papá Noel, que agora toca nas dúas datas porque somos cada vez máis modernos.
Se non mo tomades a mal, quixera voltar un intre ao tema da campaña para contar que nestes días fun convidada a gañar moitos cartos "reclutando" votos para o psoe. O convite chegoume dun parente de Ourense que, dende logo, pensaba que me estaba a facer un favor. Tristemente, esa é a campaña que temos aquí, ao lonxe. E quixera lembrar que o sistema que me permite votar non o impuxen eu, nin ninguén da diáspora.
Lamentablemente, eso que di torredebabel é un máis dos efectos da política entendida como influencia, rede clientelar e cousas semellantes. O que ela acusa é corrupción, pero eses comentarios que foron aquí traídos sobre a influencia do poder da Xunta nos votantes e, polo tanto, na posible victoria dos partidos no goberno amosan unha certa familiaridade coas vellas fórmulas caciquís. Xa nin escandalizan. Claro: sempre que non vaian contra os nosos, todo vale. O da ambulancia, o de carretar, o de ir á casa do veciño uns días antes. Como non cambien a distribución municipal e das diputacións esto vai seguir sendo unha coladeira. Barreiro onte, creo, reflexionaba sobre a necesidade dunha reforma moi profunda da distribución poboacional en España e nomeadamente en Galicia. Xa vai sendo hora.
¿Coñecedes o texto de SUso de Toro dun tipo que vai cambiar o nome ao Rexistro?
E do mellor e máis simpático que escribiu.
Torredebabel... Non sei se farías mal... que o euro está moi alto...
O lema de Abel Caballero é "Faremos máis". Máis que? Máis ca Corina Porro? Fixo algo, entón, Corina, e entón el vai facer máis aínda? Ou é unha invitación ao goce sensual con incremento da poboación infantil?
O certo é que nas fotos lle quitan un cachiño da cachola, pero só un cachiño moi pequeniño. Non é que o corten: é que o cartel venlle pequeno. Ao mellor, agora que o penso, o lema pode ser simplemente un anuncio ou, segundo se mire, unha ameaza: "Queda tranquilo: se aínda non sabes quen son, faremos máis".
Aínda que moitas veces directamente relacionados, analiticamente non é o mesmo o clientelismo que a corrupción.
Teño lido algunhas cousas ao respecto, nomeadamente de Ramón Máiz, pero agora non me vexo con folgos para entrar en disquisicións teórico-conceptuais. Entre nós, e sen que ninguén se entere, tería que volver a relelos. Tal é a complexidade que encerra o par clientelismo/corrupción.
Pero se alguén ten interese, creo que casualmente teño algún texto seu no ordenador sobre o asunto. Tería que buscalo, iso si.
Eu creo que neste asunto da galeguización dos nomes ou das relacións coa igrexa, ninguén debería andar autofabricándose malas conciencias. Eu xa galeguicei o meu nome: meus pais puxéronme Lechuga e agora son Leituga 1, para diferenciarme do meu irmán máis novo, que é Lechuga 2. Meus pais eran ferventes militantes do vexetarianismo, uns verdes antes de tempo, como poden comprobar. Eran tamén moi católicos, sobre todo a miña nai, e cando me chegou a min a hora de casar díxome que levaría o disgusto da súa vida se eu ía só polo civil. Eu xa era ateo e todo iso, pero non me pareceu lóxico nin razonable nin coherente poñer a miña animadversión cara á Igrexa Católica por riba do meu amor filial. A ideoloxía por riba dos afectos. E accedín tan tranquilamente a casar pola Igrexa. Iso si: díxenlle ao cura que eu non cría e entón el, con bo criterio, fixo unha cerimonia moi breve da que estivo ausente a comuñón. And they all laugh...
O problema, a propósito do indicado por Torre de Babel e Leituga, é que o sistema sabe retroalimentarse a si mesmo. Non hai moito os progresistas caricaturizaban a Baltar que gañaba as eleccións nas cociñas das aldeas e nos enterros (e era certo, literal: alí estivo no enterro do meu avó paterno, Armariz, no seu concello de Nogueira de Ramuín, cando era alcalde). Logo pasouse a aceptar que non había outra forma de gañar as eleccións e había que facer o mesmo que eles. E algúns entenden que o límite de "o mesmo que eles" non só son as cociñas, senón tamén as prácticas corruptas como a aquí indicada. Porque, se non non lles gañamos, din na súa defensa.
E sr. APC, cando teña tempo e sen présas, sería útil ese texto de Máiz, aínda que sexa escolmado: eu tamén fago esa distinción clientelismo/corrupción, pero agora non sabería fundamentala nun plano científico.
Moi simpático, Leituga, introducindo un toque de humor neste tema. Porque sería para tomalo a riso sobre todo con algúns cregos (parroquia de Sto. Domingo, Ourense) que máis dunha vez, estando eu nun funeral, por un compromiso familiar, aproveitaban para botarnos unha bronca ós alí asistentes que non eramos asiduos ós oficios litúrxicos. E despois seica poñen tantas pegas para, cómo se di, renegar da condición católica e pedir que che borren da súa lista. Que se aclaren...
Alguén sabe o que motivou a carta de hoxe en EL PAíS do candidato do BNG de Ferrol? Eu non escoitara nada de que fora militante do PP.
E, a propósito de Ferrol, a mín gustaríame, co método Revilla, que Yolanda Díaz fora alcaldesa daquela "cidade departamental" que hai anos que non ve mar nin futuro.
Por aquí houbo un funeral antes de inicarse a campaña a principios da pasada semán. Foron tódolos candidatos á miña alcaldía, (4), e a man non lla deron só
ós familares do finado había man e palmadas de man no lombo a tódolos asistentes. Daba seica vergoña allea.
Para eivados crónicos o da ambulancia amigo Arume, xa evoluiu a voto por correo , moito menos cantoso.
Realmente simpático o señor Leituga 1. Simpatía que hai que agradecer dobremente, porque, con ese nome, mira que non debe ter uns problemas endemoñados nos bancos e en Facenda.
Como falto hai tanto tempo, desculpen algún comentario atrasado.
Supoño que, máis ca de relixión, a intención é referirse aquí a coherencia; nada que dicir ao respecto, por hoxe. Tocante ao nome e alegación paterno-filial, aproveito da súa tolerancia para afirmar que o meu non é escusa e penso seguir a usar o que uso e deixar en certo papel o que está.
Eu comparto o dito por Marcos na mensaxe das 5:52 PM: cómpre ser coherente, sobre todo despois da moción de Lobeira. O do candidato á alcaldía en Ourense é doado de comprobar, supoño: non hai máis ca ver as papeletas de voto, ou lembrar as do 2003, porque aí, coma nas candidaturas, ten que figurar o nome legal, do censo.
Ora ben, non sempre é tan fácil de establecer a cuestión, e indícollelo a partir do caso da así chamada Tareixa Paz, alegada Teresa en documentación oficial. Tamén se pode comprobar a "acusación" mediante o mesmo procedemento; se o documento lle dese a razón ao artigo, porén, só sería imputable como posible falta o uso político dun nome non rexistrado, non o uso dun nome non galego: Tareixa e Teresa son variantes lexítimas no idioma, igual ca en portugués, onde, por certo, coñezo Teresas pero ningunha Tareija (só un viño chamado "Terras de D. Tareja").
Caso semellante ao meu: ao terceiro fillo chameille Xosé Alfonso (boten conta de por que, máis ou menos), e se ben podía eu ser máis enxebre, non entendo quedar exactamente fóra de norma.
Outro caso lles conto: o cabeza de lista do BNG por Lugo é Xosé Anxo (ata aquí impecable) Lage; e que lles parece isto?
Non lle preguntei, pero supoño que non debeu tocar o apelido porque no seu día legalmente igual nin posible era; ora ben, en rigor, ¿que facemos? Porque o "g" é aí, probablemente, grafía histórica e xa que logo o apelido sempre se debeu escribir así. Adaptamos a grafía á do termo común correspondente? Deixámolo?
En fin, confío en que se aclare o novo escándalo, que non sei moi ben por que razón se publica xustamente agora, se ben non teño nada contra a liberdade de prensa nin de comentario, madia leva.
Volvendo ás eleccións: en efecto, Xoán Xosé Pita foi afiliado ao PP, xa lera eu a cousa nalgún lugar, supoño que en La Voz, hai máis duns mes. Non lin a carta aludida, por certo.
O lema do PSOE xa deu para algunhas risas aquí. Probablemente non o saben, tendo en conta o reflexo mediático de Orozco, pero a lexislatura acabada de pasar, en Lugo, non foi precisamente pródiga en realizacións. O "Faremos máis", logo, levaría tácita resposta: "Boa falta fai".
O problema do BNG/galeguización dos candidatos substánciase nunha vella sentencia: en casa de ferreiro, culler de pau.
E como hoxe non estamos xa para refráns -que se ven por moitos como de pailáns e de atrasados- o asunto vese como un problema de coherencia e de credibilidade.
O problema pode sustanciarse en: é preciso ser galeguista para presentarse polas listas do BNG?
Cae de caixón, Arume, cae de caixón.
(Ás veces ten cada pregunta...)
graciñas por esta fiestra aberta aos que andamos emigrados e xa temos os sobre do voto pronte enriba da mesa...
apertas
Última achega (in pectore) sobre nomes, apelidos e candidaturas.
Segundo me parece (non atopo papeis, e busqueinos) o BNG recomenda e promove que os seus militantes e afiliados lles dean forma galega aos seus apelativos; pero non o impón como condición: parece lóxico, e caso contrario probablemente sería deostado por intromisión na vida privada, non estar á altura dos tempos, etc. Teñamos en conta que o acervo onomástico se enriqueceu considerablemente, e o persoal xoga moito en tales asuntos.
O Arume pon enriba da mesa cuestión que non ten resolución tan inmediata como parece: en efecto, se unha candidatura parlamentria do Bloque parece esixir consonancia política clara (cando menos nos chamados "postos de saída"), unha lista municipal pode acoller conexións ou achegamentos máis tanxenciais; é, así e todo, tema complexo para este momento. Toca, non obstante, a situación actualmente aquí tratada: falamos de cabezas de lista, candidatos relevantes, e a posible imputación de incoherencia ten argumento máis ca suficiente para formularse.
Co que ben podiamos pensar, así mesmo, que a moción do Bieito Lobeira apuntaba tanto cara afora coma cara adentro. Porén, non me parece que o estado das cousas, de confirmarse como certo o que publica La Voz, cuestione a credibilidade do proxecto nacionalista no seu cerne. Á fin e ao cabo, a galeguización de nomes e apelidos é práctica, en tal ámbito, máis ca corrente; á fin e ao cabo, e non sempre a favor de corrente, se hai algún grupo político relevante que teña política e acción decididas en tal sentido (e non precisa nin unicamente nos papeis declarativos), non cómpre especificar cal é. O único, eh? Sen excepción.
Achégolles, en tal sentido, anécdota de campaña que non se pretende xustificatoria, se ben resulta significativa. O cabeza de lista do BNG por Castro de Rei (concello chairego vecio noso) chámase Jorge Balado; non debe estar afiliado, e ignoro se o achegamento á organización é recente ou de vello: o feito é que non galeguizou o nome. Un coñecido meu, non nacionalista galego precisamente, vaino votar, e iso que hai algo que non lle gusta: que agora, di, se ande a chamar Xurxo cando sempre foi Jordi.
O tal Balado é empresario, ten protagonismo no movemento cultural, menos de trinta anos e o Bloque, socialmente, está a medrar de maneira notoria. Que queren que lles diga.
Si, González, todo o que vostede queira, pero o asunto non hai por onde collelo. Non estamos a falar de afiliados recentes ou de simples candidatos de aluvión. A gran maioría deses "morosos" levan moitos anos de militancia e en postos de relevancia. E logo estrañámonos de que algunha xente se tome a cachondeo a proposta de Lobeira?
E a todo isto: dirá algo a Mesa sobre o particular?
O problema do candidato chairego é o apelido: Balado con b ou con v?
E permítame que pregunte: que quere dicir protagonismo no movemento cultural? Nas vilas, eso significa organizar as festas patronais. Non moito máis. Nin moito menos. Nas Somozas xa sabemos que o alcalde gaña gracias ás fenomenais atraccións nas festas: este ano toca Paulina Rubio. Alí estaremos.
Por pedir que non falte...
Solicito dos electores coruñeses que, por favor, lle receiten unha cura de humildade ao sr Losada Azpiazu durante os vindeiros catro anos. Por exemplo, ter que pactar co demo (os do "Bloque", a Galicia do non, "los del gallego", etc).
A Orozco, outra cura de humildade, non vaia ser que se vexa tan guapo nas fotos en solitario que "se lo tenga muy creído".
En Ferrol, que desapareza o fulano ese da chaqueta de traspaso con botóns dourados e que gobernen as esquerdas, que é o que lle pide o corpo a esa cidade.
En Ourense, ademáis de birlarlle a alcaldía ao PP por mover cadeira, dicirlle adeus a ese señor a que ninguén vota pero que sempre gaña as elecións. Que leve o trombón para a súa casa e toque alí para os veciños. E que contrate de paso a todos os enchufados, aos que haberá que despedir.
En Vigo, unha entente cordial entre a oposición para gañarlle as elecións a Corina Corina.
Aos santiagueses non lles gustan as maiorías absolutas (celebran tanto a Ascensión coma o día de Santiago), así que tamén debería haber un pacto entre o benegué o pesoe.
E en Pontevedra, que se sigan entendendo os que se entenden agora, e que vaia adiante o das celulosas.
Eu aventuraba a dicir que non habería ningunha alcaldía do PP ata que vin a Corina Porro bailar entre xoves como "Pedro por su casa". Sen dúbida, cousas da campaña.
Pero en Ourense non sei como andará a cousa. O PSOE de Ourense leva moito tempo tocado e, a raíz dos negocios baltar-caciquiles se cadra algún voto socialista pásase aos populares. Iso sí, se "Poly" gaña as eleicións, nas condicións nas que se "presentou" como candidato (queda moi feo, iso de dicir aos dous meses... "Toma a cadeira que se non aínda nos van gañar") Ourense xa non ten remedio.
Bueno, pero xa se verá.
Eu aventuraba a dicir que non habería ningunha alcaldía do PP ata que vin a Corina Porro bailar entre xoves como "Pedro por su casa". Sen dúbida, cousas da campaña.
Pero en Ourense non sei como andará a cousa. O PSOE de Ourense leva moito tempo tocado e, a raíz dos negocios baltar-caciquiles se cadra algún voto socialista pásase aos populares. Iso sí, se "Poly" gaña as eleicións, nas condicións nas que se "presentou" como candidato (queda moi feo, iso de dicir aos dous meses... "Toma a cadeira que se non aínda nos van gañar") Ourense xa non ten remedio.
Bueno, pero xa se verá.
Corina Porro, fóra do desastre do seu goberno, medio punto por riba do desastre da oposición, representa un PP centrista. Fóra da súa connivencia cos inmobiliarios, Corina Porro pode ser considerada a Gallardón de Galicia, nada que ver cos demáis candidatos noutros municipios. Ten unha visión moi aberta en materia moral, relixiosa ou sexual, e, desde logo, atópase ben lonxe da carcundia de Acebes ou Esperancita. Está máis á esquerda ca Rajoy: por iso é un oso moi duro de roer para o BNG e o PSOE, porque os sectores centristas, a clase media acomodada de Vigo, mesmo de veleidades progresistas, está encantada con tal alcaldesa. Sobre todo, se esa clase media de centro ten que escoller a Caballero como alternativa (Santiago Domínguez para este sector non conta). A cousa está que arde, pero a torpeza do PSOE deixando que burdamente Caballero leve medio ano dando a barrila por terra, mar e ar, sen ningunha vergonza política, pode ser funesta. O BNG terá un enorme mérito se Domínguez é capaz de dar ao esquecemento o que fixeron os seus antecesores. Esa ha ser a única táboa de salvación. Se non, Corina alcaldesa e Soto, de teniente alcalde.
Vin unha vez só a Corina Porro nun acto, inaugurando unhas xornadas literarias do PEN en VIgo. Deume esa impresión que comenta Arume: de todos os xeitos as apariencias enganan e ese tipo de percepcións só se poden confirmar dende unha perspectiva moi local. Vano ter difícil logo Caballero-Domínguez e seica vostede dá por seguro a Soto: que opinión persoal-política ten deste personaxe público?
Vin hai un par de horas os primeiros anuncios televisivos da campaña. O do PSOE, correcto, moi directo e incidindo nos temas centrais que queren "vender": novos dereitos, política sen mentiras, etc.
E viron vostedes o de Izquierda UNida? Supoño que quixeron ser orixinais, pero pasáronse da raia. Un langrán que se levanta da cama e vai o baño, todo cheo de legañas, pouco menos, escoitando de fondo un discursiño de Llamazares. Este fala da saúde pública e o langrán fai o guiño de que lle doen as moas e cousas así. Ou eu teño moi pouco sentido do marketing ou isto é un disparate: a min pareceume ridículo, caricatura da publicidade política case. Que opinará o noso experto, Descrido, a este respecto?
Soto é político moi hábil. Cunha retórica moi ben trabada, unhas poucas ideas (ou ningunha) ben presentadas, é capaz de ocupar os furados políticos que quedan entre os distintos partidos. É un animal político, para ser máis exacto ese paxariño que picotea sempre ao redor dos hipopótamos (mesmo na súa cachola) e tenta aproveitarse do que outros van deixando. Eu téñolle escaso aprecio pero ten unha elocuencia temible e, por suposto, xoga a baza localista: é dicir, ás migallas.
Sobre IU, non vin propaganda algunha, pero teño que dicir que en Vigo teñen un problema gravísimo. A verdade é que estiveron a piques de entrar nunha candidatura conxunta de extrema esquerda, mesmo coa FPG, unha barbaridade e un suicidio político de primeiro nivel. Pero se chegaron a pensar nesa posibilidade é que están moi mal. A candidata é completamente descoñecida e a súa campaña é nula. Parece mentira. E ben que o sinto porque para a xente de esquerda en Vigo e non nacionalista non hai candidaturas, salvo que votar a Moreda, o do Tintimán, poda ser alternativa.
En Asturies, IU vai co Bloque por Asturies e os Verdes: pero alí teñen implantación desde toda a vida. En Asturies, subirán. Esta é a súa propaganda: IU Mieres
Corina Porro, seica, iniciouse como unha "aventureira" da política e escalou habilmente os chanzos até situarse na posición actual. Hai que recoñecerlle, pois, algún tipo de capacidade, alén da imaxe que proxecta (segundo Arume a uns parécelles marabillosa e aberta, a min seméllame bastante chabacana).
Caballero proxecta unha imaxe fría e demasiado distanciada, e disque non é quen de suscitar moitas unanimidades nin entusiasmos nunha agrupación local adoito desagrupada desde tempos inmemoriais.
Domínguez semella un candidato voluntarioso, pero non sei se o BNG local (despois do bochornoso affaire Valadés, de momento hibernado) terá a capacidade suficiente para un esforzo necesario que faga esquecer escuros episodios de complicidades tácitas con sectores inmobiliarios e co PP.
Vigo é, sen dúbida, unha praza moi difícil, politicamente desestruturada, cunhas elites políticas moi por debaixo do dinamismo urbano e económico, cunhas experiencias municipais nefastas (o affaire Ventura/Castrillo et alli) e cun personaxe sinistro como Soto, que pode xogar un papel decisivo.
Para tourear nesta praza fan falla moitas virtudes, valentía e sorte. Quen cortará as dúas orellas e o rabo? Difícil de saber. Esperemos, en todo caso, que o bombeiro-toureiro de Soto non sexa máis que unha triste anécdota.
Hai que deslindar o que representan para nós os candidatos e o pulso da rúa sobre os mesmos. Se un escoita con un pouco de atención na pescadería, na peluquería, na frutería, nos bares, nas conversas con amigos que non comparten con nós ideas políticas ou que non len ou debaten habitualmente destas cuestións, chega á conclusión de que en Vigo instalouse a idea de que Corina non o fixo tan mal, que fixo cousas. Eso calla. Non sei se ha ser suficiente para gañar as eleccións, pero a mín me preocupa e creo que aos cuarteis xerais de BNG e do PSOE tamén. Esa é a miña sensación.
O de "tomar o pulso da rúa", Arume, é cousa ben difícil. E non sei, pero eu non o vexo a vostede, en plan sociólogo devoto da etnometodoloxía, acudindo ás pescaderías, perruquerías, froiterías e bares con afán pesquisador. O que non quita que, infelizmente, poida ter razón no seu diagnóstico.
O retrato que fai Arume de Soto é tamén bastante acaído para o sr. Troitiño, que encabeza o PG en Ourense e xa dixen trásnfuga do psoe. Leva como segundo a Arturo, de Carlasca, da Carballeira, "o máis guerreiro" para ben e para mal, do asociacionismo veciñal ourensán (no resto case totalmente vendido ó goberno do PP nos últimos anos)
Sabía que a intelixencia de APC non me deixaría saír da miña impertinencia de mentar "o pulso da rúa". En efecto. Pero son curioso de máis e así como Cervantes lía ata os papeis que vía tirados pola rúa, eu escoito mesmo o que non me interesa. Gústame, sobre todo, escoitar á xente que non comparte conmigo nin gustos, nin ideas, nin tipo de vida. En xeral, movémonos por círculos afíns e cóstanos moito saír e buscar outras voces. Eu procuro comprender que é o que outros din. E eses outros din o que antes puxen, malgré moi.
Canto se aprende aquí: non sabía eu que na época de Cervantes podía haber moitos papeis escritos ciscados pola rúa.
Mais se mo di vostede, amigo Arume, non teño máis remedio que rendirme ante a autoridade experta. Así afórrome consultar o dato con J.E. Gelabert, por exemplo.
Cometín un erro imperdonable. Non era Cervantes: era o narrador do Quijote, o soldado que vai polo alcaná de Toledo e atopa o cartapacio onde se contén en arábigo a continuación do relato do Quijote que manda traducir a un morisco:
"Estando yo un día en el Alcaná de Toledo, llegó un muchacho a vender unos cartapacios y papeles viejos a un sedero; y como yo soy aficionado a leer, aunque sean los papeles rotos de las calles, llevado desta mi natural
inclinación tomé un cartapacio".
Por certo, que grande o Gelabert. Anda por Santander, non?
¿E que me din do candidato de "Ternera Gallega" por Ourense, a quen as malas ? linguas acusan de "vender" prazas no Concello de Ourense desde o seu posto de funcionario sindicalista desde hai dez anos?
Nada sacará, pero vaia.
Eu ao Troitiño téñolle un pouco de medo... mesmo o lema...
Ourense depende de ti... e a súa cara!. Ai se del dependese! E moitos quererían que saíse para forzar un goberno de dereitas en que o Troitiño tivese o cetro -o único que lle importaría- e o resto, como se tal.
Preferiría case unha maioría PP que dependese dalgún destes arreconchegacionistas.
Quero dicir,
"Preferiría case unha maioría do PP a que un goberno distinto dependense dalgún destes arreconchegacionistas".
En Barcinona parece que vai haber catro anos máis de "cultura do deseño", "fideguai" e millóns de turistas chapando sangría e paellador. Non saben vostedes da que se libran. O candidato parece na foto un gnomo saíndo da tobeira e os cidadáns detrás, pequeniños (se cadra é simbólico). Chámase Hereu ("herdeiro", "vinculeiro"), así queda todo na casa.
Como non me dá a chencha para poñer os enlaces, aquí pego isto por se lle queren ver o careto e aprender catalano:
http://www.novesidees.cat/
Até que punto a xente vota nas elecións locais por unha persoa brillante (e "de confianza") e non por unhas ideas?
Hai xa algúsn anos coincidín co alcalde de Pontevedra en certa macro-feira nacionalista que se celebra en Santiago o 25 de xullo. Díxome que a xente vota por un alcalde novo en función das cualidades da persoa, e non tanto de ideas ou "proxectos". A imaxe que se dá é, por tanto, o que conta. El mesmo mo recoñeceu cando me falou da perda das alcaldías de Ferrol e Vigo. Aquí penso que a prensa ten unha importancia fundamental, cando se pon en contrar ou a favor dun candidato, con ou sen comenencias.
Vigo é unha sociedade desestructurada, pero postos a tomar partido penso que arume ten razón, O votante que non é hooligan funciona basicamente por percepcións, e Corina ten superado claramente as expectativas que os vigueses tiñan posto nela (que eran ben poucas por certo e esa pode ser a crave da súa reelección, aínda que algún lle sorprenda) iso fai que sexa percibida como unha "non mala alcalde".. (e iso en Vigo é moito..). Domíngez ten percorrido (pero, o meu entender non vai ser capaz de dar a volta o peso da ruptura do goberno de Ventura), sobre Caballero pesa o feito de que ata o de agora nunca ten gañado unhas eleccións no que o peso caera nel (iso pésalle e pon demasiado tenso mesmo nesta campaña) todos os seus postos foron a dedo, e si Bragado fora o candidato do BNG penso que o superaría en votos ...
Os estudos apuntan a una mistura de items (6-7) con diversas ponderacións (aínda que temos que ter presente que, o igual que o marketing político serio, os estudos mais rigorosos sobre os factores que inciden na decisión do votante (comportamento do votante Vs comportamento de outras decisión de "compra") están desenvolvidos fundamentalmente en EEUU e,en bastante menor medida, en Uk; países ambos onde o peso do candidato e maior....
Aínda que non o dixen penso que se entende que a miña entrada anterior referíase o comentario de marcel swann (escusas..)
En Barcinona, gañe quen gañe sempre haberá fidegüai, como en Santiago haberá tabernas irlandesas (con licor café, para diferenciarse algo), cafés mitteleuropa (con tona de aquí) e paelladores (con langostinos arxentinos) para turistas xa non tan despistados. Hai tempo que non vai por Compostela?
Esquecía que dentro de pouco tamén Cidade da Cultura, non sei para qué, pero haberá.
O sr Touriño, non fai caso o Sr Valcárcel nin a descrido e non vai a o programa "hai debate", persoalmente penso que é un erro, pero correspóndelle a el tomar a decisión. O que si que me parece mal e que me tome por parvo ó dicir que non vai porque entende que ese tipo de debates eclipsa os auténticos protagonistas. ¿Como pode dicir iso mentres el ( e a vicepresidenta de goberno, e os Conselleiros e ministros e o carallo da vela) van de pobo en pobo tapando ós seus candidatos (Ourense sería o caso paradigmático). ¿Esa escusa ocorreríaselle a el ou a algún asesor intelixente? O peor de todo é que os erros da campaña do PSOE farán que o PP manteña concellos importantes.
Que interveña Descrido, pero creo que a decisión de Touriño é moi intelixente. Porque acaba por colocarse no medio medio da discusión. Acada protagonismo, nome, por moito que non gustemos da decisión, por outra parte ben razonada en termos retóricos aínda que nona compartamos ou a vexamos pouco democrática. Eu, por exemplo, vexo na actitude de Quintana buscando o debate desesperadamente unha boa maneira de dicir que vai perdendo o partido. E eso a xente nótao.
Coincido basicamente co que se dixo aquí sobre Corina Porro. O das escasas expectativas que sinala Descrido xoga moito ao seu favor. Nunha cidade tan mal tratada polos políticos locais como esta, pode abondar con poñer unhas flores e cambiar unhas beirarrúas para que xa parezas a mamá de Tarzán. Corina Porro, aínda que procede dunha familia moi, moi, moi franquista de Ferrol (de aí a súa negativa a calquera recoñecemento ás víctimas do 36) dá, en efecto, unha imaxe centrista, incluso un pouco "apolítica", que é o que queren moitos vigueses desconfiados da política. De todos os xeitos, non creo que chegue á maioría absoluta, pois en Vigo hai tamén un voto fortemente ideolóxico que, a pesar da desfeita dos dous bandarras socialista e nacionalista da xa case extinta corporación, nunca deixarán de votar unha opción de esquerda. Eu agardo que o alcalde sexa Calallero, non só porque eu son sociata, senón tamén porque creo que será moito mellor alcalde que candidato. Nesta última faceta, debo recoñecer que é bastante desastrosiño.
Coincido con leituga 1 na maioría de esquerdas viguesa, pero non sei si Caballero será quen de moralizala. Esa, entendo eu, debería de ser a súa ocupación nestes días (máis que a xantar no Club Financeiro facer maquetas), pero non se lle ve cómodo ( e por iso é un dos motivos polo que é un mal candidato, e xa veremos si é bo alcalde ou malo, lle gusta a xente e notáselle e por eso prefire o ámbito das empresas e as maquetas)
En canto o dos debates, penso que o Sr Touriño non quere coller riscos.... . As elección municipáis xóganse en termos de votos e en termos de poder. En termos de votos penso que o PS vai sacar uns resultados bastante bos (incluso pode que moi bos) e aí o BNG e o PP o terán difícil. Pero pola contra, en termos de poder (fundamental no debate do día seguinte e no debate dentro dos partidos) o único que parece a día de hoxe que poda “perder” as eleccións é o PSdG-PSOE; Volvemos o tema das expectativas, e aínda que sumar vilas está ben e é importante, unha vez mudou o goberno do Estado e da Xunta e disto xa fai meses, asentouse a sensación de que habería alcalde do PsdeG-PSOE en tódalas cidades galegas excepto Pontevedra ( algún “gran” estratega incluso empezou a falar das deputacións...); sen embargo a día de hoxe si o PS non e quen de manter a alcaldía de Vigo (a gañou fai catro anos aínda que logo a tirou pola borda) nin alcanzar a de Ourense .... terá moi difícil quitarse de riba a sensación de fracaso. É por iso que, Sr leituga 1, eu sería moi prudente xerando aínda máis: deputación de Lugo......, non vaia a ser que a caída sexa aínda máis dura... digan que está moi complicado Lugo e logo si a gañan a sensación de éxito aínda será maior...
E de todo isto xorde o medo escénico...e a prudencia, a min me da que o Sr Touriño non quere personalizar nel os resultados das elección (por si non se acadan as expectativas) e traslada o éxito e o fracaso ós candidatos á alcalde; esa é unha decisión intelixente pero conservadora (si eu fora candidato do PSdG PSOE a unha alcaldía dunha gran cidade gustaríame que o Sr Touriño fora a gañar votos para a miña candidatura. Que a iso vai o Sr Quintana (que acerta plenamente en ir), a gañar votos en Vigo e sobre todo en Ourense cidade ( ¿Volverá a falar especificamente dela? Penso que seguro que si)...e ese é outro elemento clave dos debates: ter moi claro cal é o obxectivo o que se va.
Sinto, unha vez máis, non dar ningunha luz ó tema....
Vou ver o debate...
[Témome que, despois do do "pulso da rúa" e do de Cervantes, a venganza de Arume vai ser terríbel: :-)]
Corrección de erros: Nas alusións o Sr Caballero quería dicir que debería mobilizar (non moralizar) e onde pon que lle gusta o trato da xente, quería dicir que non está cómodo no trato ....
Pois rematou o debate e Quintana non fixo ningunha referencia a Ourense e tampouco a Vigo, aínda que, talvez de refilón, estivese pensando nestas urbes cando se referiu á "cultura castrexa" para explicar a necesidade de suprimir as deputacións e as provincias. Pareceu máis centrado en promocionar as "galescolas" que o ambivalente "estilo BNG", un lema de dobre fío. Do que máis falou foi da "xente", que é a forma quintanista de referirse ao que paco Rodríguez sacralizou sempre como "pobo". O "estilo BNG", con tanta "xente", vai acabar parecendo un anuncio de caixas de aforros: "Estamos con la gente, con toda la gente, la buena geeeeente!".
¿E Orozco? Durante varias das súas intervencións asaltáronme dúbidas sobre que representación levaba: el dicía que a do PSOE, eu ás veces pensei que o mandara a debater Crespo, en nome da FEGAMP. Vese que o home é persoa de paz, como indica o seu perfil pouco perfilado, orondo e lirondo. Recórdame a aquel "Aquiles Talón" dos tebeos. Estivo un pouco marciano, sen entrar aos trapos nin de Quinatna nin de Feijó. Non sabería calificar nin puntuar a súa intervención, pero creo que asegurou a maioría absoluta en Lugo. Se estivese na miña man, eu tería mandado a Bugallo, mellor polemista, máis irónico, bonachón ma non troppo e alcalde dunha vila menos excéntrica que Lugo (pídolle mil perdóns ao señor González). Polo menos así o PSdeG aseguraba tamén a absoluta en Compostela.
Feijó non estivo mal. Teño que consultar esa páxina 36 do programa socialista na que, segundo dixo Feijó, aseguramos que hai que ampliar os horarios do metro. Non mo acabo de crer, seguro que hai trampa. Pero como non a haxa, máis de un vaime oír. Feijó é un home listo e moi aproveitable. Lástima que lle queden dous telediarios.
En liñas moi xerais penso que Feijoó foi o que estivo mellor (aínda que o feito de que a moderadora o cortase a primeira pode que lle pesara un pesoulle un pouco), Orozco fixo moi ben o seu papel, tal vez sen darse nin el conta, durmir o debate; e Quintana non foi quen de centrar o debate onde el quería, deu a impresión de non estar cómodos (penso que iso chegoulle a crisparlle un pouco)... e recoñezo o erro da miña predición: non mandou mensaxes específicos para Ou e/ou Vigo.
Dáme a impresión de que o debate de onte non moveu un voto.
Non, non creo que fixera moitos votos novos o famoso debate. Eu só o vin en anacos (confésome seguidor bastante regular de CSI, perdón!!!). Do que vin, comprobei que cadaquén ía botar o seu discursiño precociñado, sen posibilidade de debate a tres. Orozco no seu tema, pero como un polbo nun garaxe: Quintana mesmo un pouco prepotente, dunha vez creo que lle dixo a Orozco "vouno explicar de novo e creo que o entenderán os cidadáns, ó mellor ata ti o entendes", ou algo así. En fin, as campañas fan aboiar o máis ruín, creo eu.
Non puiden ver o debate televisivo (eufemismo!), pero seica non me perdín nada.
Ah, aqueles tempos de Kennedy.
Esto, que ía camiño do récord mundial de comentarios, parou algo: tan aburrido resultou o debate que durmiu a todo dios?
Hoxe atopo unha pérola no diario gratuíto en galego LV: preguntan a un xogador do Liceo, ao parecer de orixe catalán, pero afincado en Coruña desde pequeno, cal é o seu personaxe galego preferido: Hércules, respostou o bó amigo.
Hércules, claro, o dono da Torre. ¿E logo que pensaba, Arume?
O debate foi maliño, si. O formato tampouco contribúe: creo que serían máis útiles e máis vivos sete debates cos tres ou catro principais candidatos das sete grandes cidades. Unha campaña electoral de quince días dá para facelo perfectamente. E ademais axudaría un pouco a que os galegos se enteirasen un pouco das problemáticas de cada unha das grandes vilas.
Amigo Arume, isto é como o mar coas súas ondas e mareas: ás veces veñen xigantescas, outras mainiñas, de vagar. Moi bo o de Hércules. Anotemos, insistindo, a constancia da fotoxenia de Quintana: tralo amago da batería rockeira, hoxe sae noutro medio xogando ós bolos (os outros xornais xa pasaron da foto...). Hoxe temos un titular (El País) que nos distancia dun personaxe: "He tenido más paciencia con la oposición de la que debía": así fala un demócrata, di que si, Juan Juncal, cand. do PP e alcalde de Ferrol.
E os excesos: o presidente do PP ferrolano vaticinando un tripartito "tráxico" (case nada!!) e os converxentes cataláns repartindo preservativos contra o virus do tripartito da esquerda catalana.
Contáronme tamén (un asistente que non pode aínda votar) que o mitin de Troitiño estaba a rebosar e que se despachou a gusto contra todos os líderes ourensáns, sen excepción: así que é probable que dea máis "caña" aínda na campaña.
Por certo, a quen lle tocará a honra do comentario n. 100 neste fío? Supoño que ó seguinte que veña tras min ou a quen estea escribindo agora mesmo... Que lle podiamos agasallar? Unha camiseta de lembranza?
Sr, Valcarcel...sigo vivo.... y me debe una camiseta (ahora en madri vuelvo al Castellano).
Tócame a min o capicúa, chincha rabincha. E a verdade, non sei que dicir xa das eleccións: simplemente que penso votar... e que deus reparta sorte.
Ah, si, teño que dicir unha cousa e quizais a algúns nos lles guste: o vandalismo (síntoo, non teño outro termo) dos piquetes en Vigo, co seu asalto e desfeita das dependencias administrativas da Xunta, algo que vai alén do tolerable e do comprensible, rematan de regalarlle a maioría absoluta a Corina Porro e ao PP en Vigo.
Así se fai a historia!
Pois eu non creo que a cidade se mova por estes impulsos; ademáis, saben ben que aquí neste asunto Corina non pinta nada. Se gaña, ha ser por outra cousa.
Noutra orde de cousas, e lamentando moitísimo o vandalismo (que inclúe algúns episodios de machismo inaceptable), eu creo que non é de recibo que un colectivo leve nove días (nove) de folga sen posibilidade próxima de acordo. Nono entendo nin o entenderei nunca.
O asunto xa foi utilizado por Corina para atacar ao goberno bipartito, ao BNG e ao PSOE. Déuselle unha baza gratis e déronlla os traballadores en folga, nin máis nin menos. E Corina pode capitalizar electoralmente o descontento e o fastío de moitos vigueses.
Por outra banda, é incomprensible e reaccionario a máis non poder atacar dese xeito ás dependencias administrativas da Xunta e, máis aínda se cabe, ciscar á rúa os expedientes que, dun ou doutro modo, afectan a moitos cidadáns, causando graves e quizais irreparables prexuízos.
Porque os traballadores en folga, por exemplo, non atacaron a sede local da confederación de empresarios ou o magnífico edificio que ten Caixa Galicia?
A eses nin tocalos, claro, non vaia ser o demo. Si, en troques, tiveron a ousadía e a covardía de atacaren a uns indefensos funcionarios e a unha institución que representa a todos os galegos.
E todo isto é independente da actitude impresentable e deplorable da patronal neste conflito.
Pero ao pan pan e ao viño viño!
Onte foron a Citroën. A semán pasada ao corte inglés que lograron parar. O venres desaloxaron os bancos do cruce Policarpo Sanz-Colón durante un par de horas. Non se pode dicir que seleccionen. É verdade que hoxe Citroën estaba blindado de policías, non como o centro da cidade. Non é xustificable o vandalismo de ningún modo, nin nestes casos. Pero, insisto, o da patronal é de xulgado.
E sobre as bazas electorais, o affaire Ventura-Castrillo/Toba (coa culpa para o lado que a cada un lle veña ben) vale máis ca folgas coma esta.
E aproveito tamén para sinalar algunha posible causa da victoria porrista. Non se pode vir a Vigo, con toda a artillería pesada de cada partido, sen mistura. O bipartito é demasiado bi: a xente non é parva. Cando ven a de Vivenda, alí están todos os do BNG; cando ven a de Política Territorial alí está ata o da Zona Franca, todos cunha corte que mete medo, pero todos de cada un dos partidos, non vaia ser.
Un amigo meu foi o outro día a unha desas reunións para levantar acta dunha posible plataforma para crear unha rede para impulsar non sei que e foron alí todas as consellerías do PSOE, baixo a tutela da ministra de agricultura e a autoridade local competente, por suposto do PSOE. Por alí non apareceu ninguén do BNG, que estaban invitados (tampouco foi a dicir verdade un do PSOE a quen agardaban). Ao día seguinte, chamada de arrebato para que noutra cidade se fixera o mesmo, pero desta vez con todos os do BNG, sen que apareceran por alí os do PSOE, sobre cuestión ademáis parecida ou repetida. Pero en que carallo de país estamos?
Eu formulo unha pregunta ben inocente:
Por que, "casualmente", os independentistas que usan métodos expeditivos (digamos terroristas, de loita armada ou como queira que se lles chame) actúan sempre co máximo entusiasmo en época de eleccións?
Noticia:
Los Tedax desactivan en Lugo un nuevo artefacto explosivo de los independentistas "Resistencia Galega".
A pesar das 105 mensaxes sobre este tema, a impresión que noto é a de que todo isto é un aburrimento. De que os candidatos en xeral non ilusionan moito ao personal.
Barreiro comentaba onte ou antonte que non hai idea de país, senón de parroquias e deputacións, ao xeito das edicións locais da Voz de Galicia.
É un pouco triste que Quintana non incidira máis no tema de Ourense e Vigo, onde se xogan dúas alcaldías.
Aínda que... non entendo o debate de onte. Nin Feijoo nin Quintana se presentan de alcaldes... O que de verdade me gustaría é un debate entre os candidatos de Ourense e Vigo.
A organización sindical responsable dos impresentables actos fascistoides de violencia e coacción sobre a poboación de Vigo é a CUT, a Central Unitaria de Traballadores, unha escisión da CIG controlada por independentistas e xentes da FPG. Están felices escenificando o que eles consideran unha especie de salto cualitativo na toma de conciencia do proletariado galego no combate pola liberación nacional e social de Galicia.
É como nos xogos: quen jode todo, case sempre son uns poucos.
Non solo non xogos Sr. leituga... sempre joden uns poucos..(pero esos, joden moito).
Estou de acordo co que di AP-C: as desordes e actos violentos destes días en Vigo favorecen obxectivamente o voto a Corina Porro entre os indecisos.
É sintomático que na paleoultraesquerda se tenda a confundir miméticamente folga, piquete, enfrontamento, barricada, con progresismo e avance da conciencia.
Sindicalismo é un termo neutro que acolle desde as practicas violentas e mafiosas da AFNL CIO dos USA, os sindicatos da "pesada" peronistas... do que ben saben algúns sindicalistas da CIG que mesmo saen en listas de sinaturas apoiando ao De Juana Chao, etc., ata o moderno sindicalismo de xestión alemán que acepta baixar salarios para incrementar emprego. Ollo ao piollo. Ata o máis burro ve o favor a Corina Porro desta movida. Sarko... está aí, meus señores e non soíño... Non facilitemos a súa expansión hispana. ¿O estalido social dos arrabaldos en Francia, a quen acabou favorecendo?
Nas democracias sociais avanzadas, onde o conxunto dos traballadores difrutamos das ventaxas do primeiro mundo, á primeira cousa que tememos é a non poder ír á praia o domingo ou a non dar chegado a buscar á nena ao cole por un colector ardendo... Os traballadore de colo branco, e os proletarios simbióticos que xa teñen segunda residencia de seu, non queren que se pague cos seus impostos a desfeita.
A CIG xa deixou ver en ducias de ocasións a súa combatividade cega co goberno autonómico. ¿Imaxinan, meus señores, que pasaría se nunha manifestación contra a prisión atenuada de De Juana Chaos, os manifestantes acabasen queimando as oficinas da Xunta? ¿Alguén permanecería calado, ou todos acusarían de fascismo, etc.?
Pois o mesmo.
Estou preocupado, non polo cumprimento do acordado coa patronal sobre o de pasaren a fixos aos traballadores, -para iso debemos facer funicionar os mecanismos para que as cousas sexan conforme lei- senón porque estes delictos gravísimos queden impunes e porque estes señores, os queimadores e os inventores do lema, "o luns, lume", poidan encontrar traballo fixo aquí. No meu desexo está que emigren, se é posible a Corea do Norte ou a esa Cuba á que a CUT lle manda mensaxes de solidariedade. Non os quero como compañeiros, nin como coterráneos presumindo da súa covarde xesta. Fascistas.
Eu non quero que vaia unha peseta da miña declaración da renda para a igrexa. Para iso, marco unha cruz.
Pero eu tampouco quero que vaia un céntimo para os sindicatos de liberados, chupatintas, enchufados, desviadores de diñeiros europeos, mafiosos das axudas aos cursos en academias amigas, etc... ¿Onde marco? ¿Como fago?
A CIG, tolerando o radicalismo fascista -lembremos os do mar e as barricadas ardendo hai anos na autopista en Cangas- criou uns corvos que non sei se lle sacarán os ollos.
Si, xa vai sendo de falarmos do funcionamento real dos sindicatos e das súas cúpulas dirixentes, que promoven ou toleran determinadas prácticas. Porque aquí non hai ninguén intocable, e os sindicatos tampouco. Ou como vai ser?
Si, xa vai sendo HORA de falarmos...
Tempo si, hora non que cómpre deitarse para ir traballar mañá... ou é vostede liberado sindical?
Non, no lle son nin llo serei. Que aínda hai clases... traballadoras.
Boa noite, pois.
Vese que este asunto incendia algo máis ca contenedores.
Tanto hai que falto (e o que faltarei) que nin darei contestado pregunta ou saúdo.; desculpen a descortesía, é Semana das Letras e neste centro non hai parada (para min, non vaian pensar que nos volvemos o Centro Pompidou).
A vinculación de Jorge Balado coa cultura ten que ver co grupo local "Os Zoelas" e penso -algo me vén- que con calgo máis; ignoro se organizou algunha vez a festa ou feira de Castro (por certo, se sae alcalde, AP-C, e mo presentan heille dicir que trate de levar a Mariza). E en efecto, en boa ortografía o apelido debía ir con b. Pregunta no aire: de normalizarmos, ¿como se pon?: Baamonde, Bahamonde ou Vaamonde? A votos.
Leituga, non lle é aldraxe; excéntrico para sempre e con gusto. Non sei se Orozco gañou votos na TV nin sequera se lle farán falta. Aquí os debates están animados, e a campaña tamén. Iso si, os PSOE mandou para Lugo todos os cartos do mundo: cada día nun barrio, dous inchables de considerable tamaño e un tren chuchú levando a todo o que queira. Enfronte, o PP cunha carpa de cen euros (moito máis con custaría) e o Bloque, con bastante mellor campaña, frugoneta, antuca e un mago: novidoso e congrega xente; pero xa me entenderán, fronte ao tren...
Polo demais: moi claro me parece que o teñen. Eu, lendo a prensa (ollada case meteórica, maiormente), oíndo a xente o examinando datos, vou de sorpresa en sorpresa.
Lereinos a vdes. cando poida (pouco será) e desculpen o mutis.
Valado, como nome común segundo vdes. ben sabían, é con v, non con b. Menos mal que volvín ler e evito un novo autoatentado contra a miña propia fama.
Hoxe escoitei unha das mellores cuñas publicitarias da campaña. Era do BNG: e a frase, sen desperdicio, era algo así: "Para que non teñamos que depender sempre dos intereses, mellores ou peores (sic), dos outros"..
Tralaira
Hoxe na Arxentina acción sindical contra o restraso do tren...
¿É o noso modelo, amigos CUT Vigo, amigos peroni-nacionalistas?
Coido que deberían contratar a un escribidor que lle redactase ben as cuñas.
... que lles redactase...
Falando de cuñas na radio. O BNG pon en Ourense varias, na SER, aló polas 14,30 h. En xeral están ben concebidas, sobre temas do programa (vivendas de protección, etc.) e nelas fala Álex. Pero ás veces pásanas moi rápidas: hoxe mesturaban unha do BNG con outra de Terra Galega (con música de fondo de Juan Pardo?)e case non se sabía onde empezaba unha e remataba a outra.
E outra das cuñas do BNG demostroume que este partido optou xa polo electoralismo puro e duro, sen complexos. Dicía así Álex: "Poñeremos 300 ascensores nos barrios para mellorar as condicións de vida dos vellos". Dubido que un concello poida poñer 300 ascensores (iniciativa privada das comunidades de veciños, ó cabo) e pareceume unha promesa excesiva...
Velaí un candidato tratando de seducir a unha votante con promesas e a intelixente resposta desta:
Parole, parole
(Dedicado a Arume dos Piñeiros, o noso italianista de garda)
Na probablemente última mensaxe da semana, transmito -a destempo e con dubidoso interese- un par de sensacións sobre o debate do luns. A primeira, quedei durmido; estes días non paso deitado nin seis horas seguidas, pero significativo si que resulta, con todo. Feixoo aparenta procurar definición, espazo e modelo de confrontación, co que a ausencia de Touriño debeuno trastocar un pouco; Quintana, que segue unha liña clara e comprensible, tivo en efecto un par de momentos raros: a insondable alusión castrexa e a alusión a Orozco alegada polo anfitrión, que eu encontrei máis desenfocada ca prepotente, pois o trato entre ambos foi deferente (referiríase, logo, a escaso dominio de certos temas, sería ironía por pique ou simple saída de raíl); o noso alcalde exercente tentou, como fai aquí, manter o control da pelota, nalgún momento sacarlla ao rival a destempo e estivo temperado, el que (intelixente e todo) ten certa tendencia á irascibilidade, por estraño que lles soe. Tendo en conta certos datos de audiencia, pode que lle resultase máis rendible a el ca ao partido en xeral, se ben a valoración xornalística sobre a súa intervención -tamén en medio lugués- é mala.
Mágoa perder a súa crónica-estimación sobre o asunto vigués, que en efecto pode atravesar momento delicado. E do ourensán, o outro polo aparente de intriga electoral. Tempo haberá para iso e tamén para o Lugo excéntrico e aínda de trazos provincianos que asiste a unha campaña moito máis animada -e provista de medios- do que ao mellor se estimaba.
Supoño que cano volva isto pasará das duascentas mensaxes.
Que son 300 ascensores en Ourense ao lado das 40000 felacións en Bélxica?
Hai uns anos estiven escoitando nun programa de radio en galego que se fai en Barcelona a entrevista qeu lle facían a un tipo que falaba deste xeito envolvente, encantado de coñecerse a si mesmo, que equipara aos políticos populistas cos tratantes de gando das feiras e os "funcionistas" das comisións de festas cando venden rifas para o sorteo dun año. Escoitándoo un quedaba con esa sensación de: "que bonito!" Ao final oín que se referían a el coma o alcalde e xa caín da burra. Acabáramos. Logo xa me contaron que lle gusta moito saír nas fotos. E aí están as promesas: comboios de alta velocidade, pontes modernas sobre o río Miño, etc. Por que non promete tamén unha rebaixa da ración de pulpo polo San P... (quixen dicir Froilán)?
Falaba do alcalde de Lugo, sr. Orozco.
Perdoe, amigo Arume, pero eu non collín o de Bélxica: explíquese mellor, se lle parece...
belgian blowjob
Qué raro que ninguén mentase aínda o caciquismo, que o mesmo vale para explicar un roto que para desculpar un descosido.
Para abrir boca, unha frase antolóxica que sintetiza ben o clientelismo político:
"A política tanto ten, o importante é ter amigos".
Será quizais polo nivel dos contertulios deste blog, amigo APC, que non se contentan coas explicacións máis doadas. Pero vaia outra frase moi dita, e moi aplicada por algúns, aquilo de "poñer os ovos en varios niños" por se gañan estes ou os outros, estar a ben sempre con parte dos que gañan cando menos.
A frase que puxen eu non é de ningún refrán. É a declaración real dun entrevistado feita hai anos na zona do Grove e que se atopa reproducida nun traballo de Máiz sobre o clientelismo político.
Novos métodos sindicais (I):
Una treintena de delegados sindicales de CIG-Ensino se concentraron hoy ante la sede de la Xunta en San Caetano, en Santiago de Compostela, donde quemaron hojas con el texto del acuerdo entre la Consellería de Educación y otras centrales sindicales sobre la aplicación del calendario escolar para el curso 2007-2008. Posteriormente, entregaron las cenizas y un gran sobre con sus demandas en el Registro Central de la Administración autonómica.
Novos métodos parasindicais (I):
Na FPG consideramos un dereito a ocupación das rúas e avenidas por estes traballadores que deben utilizar todos os argumentos e medidas de forza para domeñar a unha patronal que sempre, sempre vai tratar de impedir os avances sociais e que sempre, sempre vai tratar de impoñer criterios cada vez máis regresivos en materia de contratación laboral.
E o lema da nosa campaña é “OCUPA O CONCELLO”. Cando eliximos este lema pensamos en que o proletariado vigués debe recuperar o terreo perdido en décadas de amortecemento, en anos de adormecemento por parte das dirixencias sindicais e dos partidos ditos de esquerda.
"Na FPG consideramos un dereito..." Ten gracia. ¿E a min que me importa o que a FPG considere como dereitos ou deberes? En todo caso, o código de dereitos e deberes da FPG poderá ter validez dentro da súa organización, pero nin a FPG nin ningún outro grupo, grupúsculo ou grupello están lexitimados para impoñerlle á cidadanía a súa particular visión dos "dereitos". Iso, amiguiños, non lles é nin democrático nin de esquerdas e ten un nome moi feo. ¿Para quen traballan a FPG e a CUT? ¿Para Corina Porro e o Partido Popular?
Non é nada novo. Xa sabemos cómo pensan e, cando poden, cómo actúan os grupúsculos de iluminados. Neste caso, pensan ilusamente que van levar os vinte mil votos dos traballadores do naval. Pero o único que van lograr é que sexa o PP quen "ocupe" o concello de Vigo.
Polas declaracións dos líderes sindicais da CIG, UGT e CCOO, non parecen cousas de exaltados. Non parecen ser da CUT, porque ao día seguinte das manifestacións violentas, eles deron por xustificadas as medidas. Na rúa non estaban os da CUT soamente. Eso pode aseguralo todo Vigo. Facerlle o caldo a Corina é posible, pero antes lle fixeron o caldo outros que, por non alterar o tranquilo discurrir deste debate, prefiro non mencionar porque coñezo a división radical que existe en Vigo entre quen cre que o culpable foi venturita (chamado así desde que se presentou a alcaldía) e os que cren que foi o Bloque con Castrillo á cabeza quen botou todo fóra. Eso daría para un blog enteiro, non para un post e creo, ademáis, que as posturas están perfectamente definidas. Daqueles pós (interruptos) esta enlamada. Ou sexa, que non me veñan a mín con que os do naval danlle a maioría a Corina. Se sube máis de catro concellais, que é o que precisa, será por algo (ou moito) máis. Eso é como o que gaña a Liga porque venceu nos últimos partidos.
E quero recordar aos que fan distinción entre modos sindicais e parasindicais, que sería moi interesante saber que vai facer a CIG se a Consellería de Educación se empeña en manter o calendario. Van seguir queimando papeliños diante da sede e entregalos como cinza? Ata cando?
E outra cousa máis: pensade, por un momento, en cántas movidas sindicais andiveron nas que sen moverense do seu posto de traballo (estou a falar dos que se movilizan, non dos que se aproveitan das movilizacións dos outros) conqueriron melloras salariais ou mesmo o propio posto de traballo do que disfrutan? Ou non recordan peches, atrancos nas rúas, celebrados unánimemente? Vaia unha chiscadela para o movemento de pnns universitarios.
Home, que hai moitas outras cousas que van contrubuír a que Porro sexa alcaldesa, é totalmente certo. Pero que a "axudiña" recibida polos do naval coa movida que montaron non é unha contribución menor, tamén.
Tacita a tacita, a Porro vai obter maioría absoluta. E os vigueses a roela.
Corina Corina,
Girl where you been so long
Corina Corina, where you been so long
I've been worried about you baby
Why won't you please come home
Corina Corina...
Non sabía que vostede, amigo Swann, era dylanián: esa foi boa.
Non. Son máis de Brian Wilson.
Por fin xa sabemos a quen votar grazas á condución espiritual da S.M. Igrexa:
Os bispos galegos piden "bo criterio" no voto para que este sexa "gardián" da "saúde moral e cultural".
Admítense apostas sobre que se quere dicir co de votar con "bo criterio".
Por eliminación queda claro: non se lle pode votar aos partidos que defendan o matrimonio homosexual, a pílula do día despois, o dereito ao aborto, a experimentación con células madre... ¿Quen queda?
Pois, a pesar de todo o seu reaccionarismo, o PP é, na práctica, moi ambigüo nalgunhas cousas desas: está en contra do matrimonio homosexual pero non considera unha enfermidade e unha afrenta a deus tal orientación sexual e Rajoy dixo que iría á voda dun fillo seu se fose gay, non postula hoxe por hoxe eliminar a lei do aborto nin a do divorcio, ...
Daquela, a Igrexa pedirá o voto ao PP como un mal menor, porque é demasiado morno para o seu fundamentalismo retrógado. Manda truco!
Como ben sabe APC, a Igrexa tivo no seu tempo partidos da súa man (democracias cristiás), que lle foron útiles na 2ª República e desapareceron (ou ficaron clandestinos, nalgún caso) no franquismo. Na chegada da democracia un dos factores máis sorprendentes foi o fracaso estrepitoso dos partidos DC: moita xente pensaba que ían ter moitos votos. E daquela a Igrexa debeu pensar en practicar "o entrismo" (como os troscos) noutros partidos do poder: UCD, AP, PP, etc. E estes partidos correspondéronlle sempre con xenerosidade. Os cristiáns non de dereitas son os que teñen o problema de non verse representados nas súas xerarquías.
Vostede sabe disto moito máis ca min, xaora. Pero coido que a caracterización da CEDA como democracia cristiá (tal é a tese do malogrado Tusell) non é moi acaída. O que non impide que houbese no seu seo unha corrente minoritaria de demócrata-cristiáns, o mesmo que había outra parafascista. Dereita católica quizais sexa a cualificación máis precisa para a CEDA, penso eu.
Lembran aquel PPG de Zulueta, Illa e a editorial SEPT? Magoa.
Eu era ben pequena.
Hai menos coches con megafonías pedindo o voto? Están mudando as formas? Hai menos carteis? Menos pancartas? Algún experto publicista pode facer unha análise desta campaña?
Insólito parece que na páxina web de chuza.org figure publicidade do PP. Signo de modernidade e de normalidade democrática. Je, je.
A CEDA representaba a dereita católica, efectivamente, e nela se inscribía tamén un sector da democracia cristiá: o certo é que a propaganda da CEDA e organizacións afíns (Acción Femenina Gallega, con apoio nas Juventudes de Accción Católica) deitaba nos anos 30 mensaxes ultraconservadoras (e ás veces moi pouco democráticas).
Ulo aquel PPG? Alí estaban tamén Carlos Baliñas, profesor de Filosofa e oterólogo, e aquí en Ourense Marité Rivera: chegou a UCD e varreu con todo aquilo. Só quedou un grupiño de mozos cristiáns en Vigo, arredor de ILla Couto, que ata pasaron por Unidade Galega (na etapa final),pero por pouco tempo. Por certo, moitos deles ocupan hoxe postos de relevancia no mundo político e na Universidade.
E, da campaña en xeral, eu non vexo cambios sustanciais: o mesmo barullo de sempre, só que se gastan máis cartos que nunca; repártese máis agasallo electoral e ata botellíns de auga (en Ourense). Todo iso vai dar votos?
sáb may 19, 11:28:00 AM
Tremenda invectiva de Savater (last but not least) en El correo: http://www.elcorreodigital.com/vizcaya/prensa/20070519/articulos_opi_viz/casa-tomada_20070519.html
Pois si, ben contundente o artigo de Savater. Brillante na súa escrita e argumentación, coincidamos ou non con el (eu non). E sabe usar, para o seu interese, un dos mellores contos de Cortázar: "Casa tomada".
Pido perdón para os lectores habituais do FARO, pero aí vai a proxección para Vigo do diario decano: http://www.farodevigo.es/secciones/noticia.jsp?pNumEjemplar=2996&pIdSeccion=4&pIdNoticia=136968
Municipais07
Sondaxes:
O PP medra en Vigo e afunde en Santiago e Ferrol
En Ourense os populares cederían a maioría absoluta en favor dun posíbel pacto con liderado do BNG.
Redacción - 10:45 20/05/2007
A de Ourense sería a única maioría absoluta para o PPdeG segundo a enquisa publicada este domingo polo xornal La Voz de Galicia. A análise concede outras tres posíbeis maiorías absolutas, neste caso para o PSdeG: a de Orozco en Lugo, reforzada por un asento máis ca en 2003; a de Losada na Coruña, amarrando por pouca diferencia a maioría herdada de Francisco Vázquez; e a novidade, a pequena diferencia que segundo este estudo separaría a Sánchez Bugallo da absoluta en Santiago de Compostela, axudado da forte caída do PPdeG na capital.
Por outra parte, a mesma enquisa indica un forte incremento para os populares en Vigo, apenas un representante por baixo dos necesarios para gobernar en solitario. Destacan tamén na cidade olívica o incremento de apoios durante a campaña para o BNG e a posíbel caída de apoios para o PSdeG respecto aos resultados de 2003. Significativa tamén a posíbel perda de representación do Partido Galeguista, liderado por Manuel Soto.
O Faro de Vigo publica tamén este domingo o seu prognóstico sobre esta cidade, coincidindo co xornal coruñés en avaliar o crecemento continuo dos votos para a candidatura de Corina Porro, agoirando a perda dos dous asentos do PG, e concedéndolle a socialistas e nacionalisas similares resultados ca en 2003, o que lles permitiría un goberno de coalición. As sondaxes de Faro e Voz difiren especialmente na avaliación da porcentaxe de indecisos, que segundo o diario vigués é mínima e que segundo La Voz é aínda a máis alta das sete cidades.
Finalmente, a sondaxe de El Correo Gallego é a que atreve as variacións máis importantes para este 27M. O estudo deste xornal concédelle a Corina Porro a maioría absoluta en Vigo e asegura que pola contra, os populares perderán a absoluta en Ourense, onde o BNG sacará 8 concelleiros, por 6 para os socialistas. Ademais, esta enquisa tamén prognostica que o PSdeG de Xavier Losada conseguirá na Coruña un concelleiro máis dos obtidos cando o partido era liderado por Vázquez. Os dous estudos de coinciden en dar por seguro que o PPdeG perderá ampla cota en Ferrol, sen posibilidade de que a suma con IF lle permita reeditar o goberno actual.
Publicar un comentario