A MIRADA RETIDA (4). Novas tecnoloxías.
La Región 1 xuño 2008
Encántame esta foto, cedida por Javier Martínez Randulfe. Miren os pupitres dos cativos, ben cativiños dende logo, pequeniños pero modernos. Moderna tamén, de formica, a mesa do profesor. Tras dela don Ramón Otero Pedrayo, nunha pose habitual nel, agarda para pronunciar unha conferencia. Preséntao don Xoaquín Lourenzo e, do outro lado, don Ángel Martínez Doval, director do colexio. De pé, María Teresa Cortón e, supoño, a moi noviña profesora deses pícaros. Corre o ano 1969 e estamos no Colexio Concepción Arenal: quizais don Ramón vai falar das floriñas do ermo de Noriega Varela, que foi o seu amigo e a quen se lle dedicaba o Día das Letras Galegas. Polo camiño evocou tamén, ben seguro, os peregrinos medievais a Compostela, os trobadores de amor como Macías o Namorado, a música das campás da Catedral, a melancolía dos outonos nas bocarribeiras: don Ramón, infinito. Preside a escena, como nun altar, un televisor, nos tempos que xa eran populares nas casas de Auria: na xerga de hoxe, don Ramón convivindo coas novas tecnoloxías.
Entradas
5 comentarios:
Marcos, sería tan amabel de colgar nun post o artigo sobre a língua de Manolo Veiga?
Si, pero cando o encontre: de momento non o vexo na web de ANT.
Es que a finales de los años 60 existía una programación matinal educativa; incluso había un profesor de matemáticas "andalú" que decían era el doblador de Pixie y Dixie, el gato andaluz de "mardito roedore"..........
Y luego vendría el profesor de "Crónicas de un pueblo", que recitaba los Principios del Movimiento Nacional (el actor que lo encarnaba veraneaba en Bayona, Pontevedra); y el Fiscal Luque, elegante e insobornable, encarnado por el elegantisimo Javier Escrivá en "Visto para Sentencia"........La tele de la época de Franco era mucho mejor, no existía telebasura.........
Y las críticas musicales de Fernández Cid......
Publicar un comentario