20 ene 2007


























Hitchcock e as artes plásticas
Esculcando no tema das mulleres na obra de Hitchcock, encontro na rede un magnífico artigo do escritor Juan Pedro Quiñonero (“Babel”) sobre a exposición que hai uns anos se fixo no Centro Pompidou arredor das “coincidencias fatais” entre o cineasta e o mundo da arte. Esa mostra demostrou a inmensa cultura artística do mestre do suspense, tan presente nas súas películas: un bico dos protagonistas en “Vértixe” podería estar inspirado no “Dúo” de Magritte; os “Paxaros negros” de Brake terían que ver cos que aterrorizaban a Tippi Hedren e a casa de “Psicose” estar inspirada na “Montaña do faro” de Edward Hopper. A Kim Novak de “Vértixe” prolonga visualmente a Prosperina de Dante Gabriel Rossetti: o xenio admiraba os prerrafaelistas. E tamén aparecen “coincidencias fatais” coa obra de Edgar Allan Poe, Kafka, Oscar Wilde ou Lovecraft: un xenio, sen dúbida, o gordo inglés.

3 comentarios:

Anónimo dijo...

Por disentir un pouco: non cre que Hitchcock é un pouco trampulleiro, que xoga de forma ás veces excesiva coa confianza dos espectadores?

Marcos Valcárcel López dijo...

Si, Hitchcock, con ser un xenio, ten altibaixos, ás veces retorce demasiado as cousas e un se pode aburrir de seguilo: para min, "Recuerda" ten partes moi pesadas, de Reader Diagest do Psicoanálise mal asimilado (pese ás imaxes de Dalí) e "Marnie, a ladroa", revisitada hai uns días, tamén me pareceu moi forzada, aínda que ten achádegos visuais indiscutibles...Por exemplo.

Anónimo dijo...

Hitchcock non é o inventor do chamado McGufin?