Luis García Mañá
Foi elixido nestes días membro correspondente da Real Academia Galega.
Home comprometido coa causa do galego, novelista (presenteille en Ourense Meniño dorme), estudoso da realidade do Couto Mixto,
e ademais, amigo. Vaian, pois, os meus parabéns para esa decisión e que o noso idioma enchoupe de cheo todas as actividades sociais que nos definen, mesmo aquelas que corresponden á policía, que exerza tamén de galega dende a lingua.
Entradas
5 comentarios:
Felicidades ao Señor Comisario.
Lin estes días de atrás un artigo de Alfredo Conde sobre o acto dos policías en galego; é mágoa, non lembro ben que campaña ou propósito se anunciaba. Parecía ben xusto o que dicía Conde, e algo que me quedou especialmente foi o do bo galego que se falaba alí.
Non queda máis ca concordar. Os policías de aquí adoitan ser galegos e de orixe popular. De sempre estou afeito á súa fonética impecablemente xenuína, construción sintáctica excelente, léxico non peor có de calquera outro falante popular e espontáneo.
Albricias e parabéns. Dío o fillo dun garda municipal retirado.
O que se anunciaba, amigo González, era o propósito da Garda Civil e das policías nacional, autonómica e local de normalizar o galego non só nas relacións directas e verbais coa cidadanía, senón tamén no funcionamento interno dos corpos de seguridade. E presentouse un libro titulado "En galego, con toda seguridade", editado pola Asociación de Funcionarios pola Normalización Lingüística e financiado pola secretaría xeral da mesma cousa, con limiares de Touriño e do director xeral da Garda Civil, que é un señor que se chama Joan, animando e apoiando tan loable propósito. O xeneral-xefe da Garda Civil en Galicia tamén se apuntou á tarefa e un comisario interviu no acto para dicir que o galego non é de ningún partido político, senón de todos os cidadáns e, xa que logo, tamén da "madera", por mal nome. E seica Marisol xa lles mandou tradutores, programas informáticos e ata non sei se algún bolseiro para que se poñan ao chollo.
Parece adecuado que se poñan ao choio escrito. De paso, a ver se no oral seguen -ou recuperan- o vello bo estilo de falar galego coa xente; xa contara eu aquí anécdota, persoal e recente, ao respecto, e non era no senso positivo deste fío.
Os meus parabéns pola súa incorporación á RAG como membro corresponsal. O seu afán de unificación do galego e os seus estudos do Couto Mixto, así como o labor literario fan unha xusta medida a incorporación á RAG.
Publicar un comentario