11 oct. 2007


Drama e traxedia.

Pan por Pan xoves 11 outubro


Falamos onte dos bechos que nos rodean e quedamos en que hoxe lles falaría da leoparda e o babuino. Non, non se trata dunha fábula nin dunha lenda oriental (hainas preciosas). Trátase de que tecleen en San Google as palabras “leoparda” e “babuino”: o primeiro que encontrarán é un vídeo de National Geographic que ben pode cualificarse de impresionante. Non lles conto de que trata: mellor que o descubran vostedes mesmos. Só dicirlles que ten os ingredientes todos do drama e a traxedia clásica: violencia, sangue, medo, amor, supervivencia, tenrura, etc. E logo virán as preguntas. Como estas: Podemos afirmar con seriedade que os animais carecen de sentimentos? E logo non soñan coma nós? Podemos manter imperturbable a nosa visión androcéntrica que nos sitúa no centro do universo, á marxe dos animais e do resto dos seres vivos que nos acompañan nesta viaxe?

4 comentarios:

Xoan da Coba dijo...

Volvo recomendar este libro,do que xa contéi algunha vez que me encantóu cando adolescente.O seu autor foi Premio Nobel no 1973.

O ANEL DO REI SALOMÓN

Xoan da Coba dijo...

Está moi ben eso de "visión androcéntrica",pero as feministas vanlle esixir inha visión "ginecéntrica" (maxino que non "xinecéntrica",que ven do grego,non do latín)

ARUME DOS PIÑEIROS dijo...

A leoparda levando ao babuino con sumo cuidado e dous chóferes de autobús levando bébedos a uns cativos. Sen dúbida, hai que aprender moito.

Xoan da Coba dijo...

Boeno,é que era leoparda,non leopardo.Se o chófer fora choferesa,era diferente,como din en Portugal...